১৯ এপ্ৰিলত বেইজিঙে য়িঝুৱাং হাফ মাৰাথনৰ জৰিয়তে ইতিহাস ৰচনা কৰে। প্ৰথমবাৰৰ বাবে ৰবট আৰু মানৱ দৌৰবিদৰ মাজত হাফ মাৰাথন সফলতাৰে সম্পন্ন হয়। বেইজিং ইকনমিক-টেকন’লজিকেল ডেভেলপমেণ্ট জ’নত অনুষ্ঠিত এই ২১ কিলোমিটাৰ দৈৰ্ঘ্যৰ এই দৌৰত ড্ৰাইডভিপি আৰু ন’ইটিক্স ৰবটিক্সৰ দৰে চীনৰ কোম্পানীসমূহৰ ২১টা ৰবটে হাজাৰ হাজাৰ দৌৰবিদৰ বিৰুদ্ধে প্ৰতিযোগিতাত অংশগ্ৰহণ কৰে।
মানুহৰ গতি অনুকৰণ কৰিবলৈ ডিজাইন কৰা ৰবটে ঢাল আৰু অসমান পথৰ সৈতে মোকাবিলা কৰে আটাইতকৈ দ্ৰুততম ৰবট টিয়াংগং আল্ট্ৰাই ২ ঘণ্টা ৪০ মিনিটত দৌৰ সম্পূৰ্ণ কৰাৰ বিপৰীতে শীৰ্ষস্থানীয় মানৱ দৌৰবিদজনে এঘণ্টাৰ অলপ বেছি সময়ত ফিনিচিং লাইন অতিক্ৰম কৰে।
এই মাৰাথনত চীনৰ ৰবটিক্স আৰু এআইৰ অগ্ৰগতিৰ ওপৰত আলোকপাত কৰা হৈছে বুলি সদৰী কৰিছে। ১২০ চে.মি.ৰ পৰা ১.৮ মিটাৰ দীঘল ৰবটবোৰে চকাবিহীনভাৱে স্বায়ংচালিত ভাবে বা ৰিম’ট কণ্ট্ৰ’ল কৰা দুখন ভৰিৰে দৌৰিব বা খোজ কাঢ়িবলৈ দিয়া হৈছিল।
শীৰ্ষ তিনিটা স্থান দখল কৰা মানুহ বা ৰবটক ৫ হাজাৰ ইউয়ান (৬৯০ ডলাৰ) পৰ্যন্ত পুৰস্কাৰ প্ৰদান কৰা হয় আৰু শ্ৰেষ্ঠ খোজ, সৃষ্টিশীলতা আৰু সহনশীলতা প্ৰদৰ্শন কৰা ৰবটৰ বাবে বিশেষ পুৰস্কাৰ প্ৰদান কৰা হয়। এই দৌৰৰ জড়িয়তে ৰবটসমূহৰ বাস্তৱ জগতৰ প্ৰত্যাহ্বানসমূহ মোকাবিলা কৰাৰ ক্ষমতা পৰীক্ষা কৰা হৈছিল, ক্ৰীড়াৰ বাহিৰে কামৰ বাবেও ৰবটৰ সম্ভাৱনা প্ৰদৰ্শন কৰা হৈছিল।
চীনে বিশ্বব্যাপী ৰবটিক্স উদ্যোগক নেতৃত্ব দিয়াৰ লক্ষ্য ৰাখিছে, আৰু এই অনুষ্ঠানটো সেই লক্ষ্যৰ দিশত এক পদক্ষেপ আছিল বুলি উল্লেখ কৰে। একাংশ বিশেষজ্ঞই কয় যে এই দৌৰত এআই উদ্ভাৱনতকৈ হাৰ্ডৱেৰ সহ্যশক্তিৰ ওপৰত অধিক গুৰুত্ব দিয়া হৈছিল যদিও ই চীনৰ ৰবটিক উচ্চাকাংক্ষাৰ প্ৰতি দৃষ্টি আকৰ্ষণ কৰিছিল।
উল্লেখ্য যে বেইজিঙে ২০২৫ চনৰ আগষ্ট মাহত বিশ্ব হিউমেন’ইড ৰবট স্প’ৰ্টছ গেমছৰ দৰে অধিক প্ৰতিযোগিতাৰ পৰিকল্পনা কৰিছে বুলি সদৰী কৰিছে।
