বৃহৎ পৰিমাণৰ সামগ্ৰী আৰু সেৱা কৰ (জিএছটি) জালিয়াতিৰ অভিযোগত লবৎকাৰী সঞ্চালকালয়ে ৮ মে’ত ঝাৰখণ্ড আৰু পশ্চিম বংগৰ ৯টা স্থানত অভিযান চলায়। ১৪,৩২৫ কোটি টকাৰ ভুৱা জি এছ টি চালান তৈয়াৰ কৰাৰ অভিযোগত অভিযুক্তৰ চৌহদত কলকাতা, ৰাঁচী, জামছেদপুৰৰ দৰে চহৰত তালাচী চভিযান চলাইছে বুলি জানিব পৰা গৈছে। এই গোচৰত নাম উল্লেখ কৰা মূল ব্যক্তিসকলৰ ভিতৰত আছে শিৱ কুমাৰ দেৱদা, সুমিত গুপ্তা আৰু অমিত গুপ্তা। এওঁলোকৰ ওপৰত ধন সৰবৰাহৰ ভুৱা চালান তৈয়াৰ কৰাৰ অভিযোগ উত্থাপন হৈছে। ইডিয়ে এই কেলেংকাৰিৰ গভীৰতালৈ অনুসন্ধান চলাবলৈ ধন সৰবৰাহ প্ৰতিৰোধ আইন (পিএমএলএ)ৰ অধীনত কাম কৰি আছে বুলি সদৰী কৰিছে।
প্ৰাপ্ত তথ্য অনুসৰি ভুৱা কোম্পানী ব্যৱহাৰ কৰি জি এছ টি ৰিফাণ্ডৰ অবৈধভাৱে দাবী কৰা প্ৰৱঞ্চনামূলক কাৰ্যকলাপৰ অব্যাহত থকা তদন্তৰ অংশ হিচাপে এই অভিযান অৰম্ভ কৰিছে। ঝাৰখণ্ডত ইডিয়ে অভিযুক্তৰ সৈতে জড়িত স্থানত তালাচী চলাই জালিয়াতিৰ আঁৰৰ নেটৱৰ্কৰ বিষয়ে অধিক তথ্য প্ৰকাশ কৰিব পৰা নথি-পত্ৰ জব্দ কৰিছে বুলি জানিবলৈ দিছে। পশ্চিম বংগৰ কলকাতাতো একেধৰণৰ অভিযান চলাই। বিষয়াসকলৰ মতে ৮০০ কোটি টকাৰ এই কেলেংকাৰীত ভুৱা কোম্পানীৰ জৰিয়তে কৰ পৰিশোধত হেতালি খেলিছিল।
এই জি এছ টি জালিয়াতিৰ গোচৰে কৰ ব্যৱস্থাৰ অপব্যৱহাৰক লৈ উদ্বেগ প্ৰকাশ কৰিছে। আৰু ঝাৰখণ্ড আৰু পশ্চিম বংগৰ বাহিৰত এই কেলেংকাৰিৰ সম্পৰ্ক আছে নেকি সেই বিষয়েও সংস্থাটোৱে তদন্ত চলাই আছে। তদন্ত অব্যাহত থকাৰ লগতে ভৱিষ্যতে অনুৰূপ জালিয়াতি ৰোধ কৰিবলৈ, ৰাজহুৱা ধন সুৰক্ষিত কৰিবলৈ, জি এছ টি ব্যৱস্থাৰ ওপৰত আস্থা বজাই ৰাখিবলৈ চৰকাৰ অধিক দায়বদ্ধ হোৱা উচিত।
