তাই বৰ মিঠা স্বভাৱৰ আছিল, আগতে মই তাইক নিজৰ ছোৱালীৰ দৰে চাইছিলো, কিন্তু সোণমক এইদৰে প্ৰশংসা কৰিও ফাঁচীৰ দাবী কৰে পুত্ৰহাৰা মাতৃগৰাকীয়ে।
সদ্য পুত্ৰহাৰা মাতৃয়ে বোৱাৰী সোণম ৰঘুবংশীক ফাঁচী দিয়াৰ দাবী জনাইছে। পুত্ৰ ৰাজা ৰঘুবংশীৰ মাতৃ উমা ৰঘুবংশীয়ে অভিযোগ কৰিছে যে সোণমে ৰাজাক অৱগত নকৰাকৈয়ে মেঘালয়লৈ বিমানৰ টিকট বুকিং কৰিছিল। আনকি ট্ৰেকিং কৰিবলৈ যোৱাৰ সময়তো সোণমেই ৰাজাক সোণৰ চেইন পিন্ধিবলৈ কৈছিল।
উমা ৰঘুবংশীয়ে লগতে কয় যে সোণমে আগতে ইমান মিঠাকৈ কথা পাতিছিল যাতে কোনেও একো সন্দেহ নকৰে। যদি তাই দোষী সাব্যস্ত হয়, তেন্তে তাইক ফাঁচী দিয়া উচিত।
মাতৃয়ে বিশ্বাসেই কৰিব পৰা নাই যে সোণমে নিজৰ স্বামী বা তেওঁৰ পুত্ৰক হত্যা কৰিব পাৰে। কথা-বতৰা, কাম-কাজ, আচৰণত তাই বৰ মধুৰ আছিল। ঘৰৰ সকলোৰে লগত, আনকি স্বামীৰ লগতো তাই বহুত ভাল সম্পৰ্ক বজাই ৰাখিছিল। আনকি সোণম আৰু ৰাজা পাহাৰ বগাই থাকোঁতে উমা দেৱীয়ে সোণমৰ লগত ফোনত কথা পাতিছিল।
ফোন কলৰ পৰাই গম পোৱা গৈছে যে দুয়ো ৰাতিপুৱাই ওলাই গৈছিল। উমা দেৱীয়ে তেওঁলোকক ফোন কৰিছিল। তেওঁ জানিব বিচাৰিছিল ৰাতিপুৱা সিহঁতে কিবা খাইছে নে নাই। ইয়াৰ উত্তৰত সোণমে কৈছিল, একো খোৱা হোৱা নাছিল, আমি ওপৰলৈ উঠি গৈ চাব লাগিব কিবা খাদ্য পাম নেকি।
উমা দেবীয়ে কৈছিল, ইমান ঠাই থকাৰ পিছতো তহঁতে কিয় পাহাৰৰলৈ উঠিব গলি কিয়। সোণমে কৈছিল, তাইৰ ইচ্ছা আছিল আৰু তাই পাহাৰ বগাই বগাই ফোপাই জোপাই গৈছে।
সেই কথাবোৰতো সোণমৰ আচৰণত সন্দেহজনক একো দেখা নগৈছিল। উমা দেৱীৰ দুখ আছিল যে সোণম আমাৰ লগত বহুত মিলি গৈছিল। বিশ্বাস কৰিব পৰা নাই তাই এই কাম কৰিব পাৰিব! আমি সন্দেহ কৰিব পৰা ধৰণৰ একোৱে বিচাৰি পোৱা নাই। আনকি তাই ফোনতো ভালকৈ কথা পাতিছিল। মই তাইক মোৰ নিজৰ ছোৱালী বুলি ভাৱিছিলোঁ। এইদৰে কয় উমা দেৱীয়ে।
উমা দেবী ইমানেই বিধ্বস্ত হৈ পৰিছে যে তেওঁ কয়, যিসকলে এই কাম কৰিলে তেওঁলোকক মৃত্যুদণ্ড দিয়া উচিত। যদি সোণমেও এই কাম কৰিছে, তেন্তে তাইকো কঠোৰতম শাস্তি দিয়া উচিত। মই বিচাৰো তাইক ফাঁচী দিয়া হওক। কিন্তু, যদি তাইৰ দোষ নাই, তেন্তে মই তাইক মিছা অভিযোগ দিব নিবিচাৰো।
