আপুনি এজন এণ্ড্ৰইড ব্যৱহাৰকাৰী? বহুদিনৰ পৰা একেটা ফোন ব্যৱহাৰ কৰি আহিছে নেকি? তেতিয়া আপুনি সমস্যাৰ সন্মুখীন হ’ব পাৰে। কাৰণ, অহা আগষ্টৰ পৰা বহু এণ্ড্ৰইড ফোনত ক্ৰোমে আৰু কাম নকৰে!
দৰাচলতে কথাটো কি? গুগলৰ সূত্ৰ অনুসৰি এণ্ড্ৰইড ৮ (অৰিঅ’) আৰু এণ্ড্ৰইড ৯ (পাই) এইবাৰ বিদায়ৰ পথত। ইয়াৰ ওপৰত কোনো নতুন আপডেট উপলব্ধ নহ’ব। অন্ততঃ নূন্যতম আপডেট পাবলৈ হ’লে আপোনাৰ ফোনটোৰ অপাৰেটিং চিষ্টেম এণ্ড্ৰইড ১০ হ’ব লাগিব।
দীৰ্ঘদিন ধৰি একেটা ফোন ব্যৱহাৰ কৰি অহা বহুতৰে অ’ এছ সংস্কৰণ এণ্ড্ৰইড ৮ বা ৯। ফলত আগষ্টৰ পিছত তেওঁলোকে কোনো আপডেট নাপাব। সেইবুলি এনে নহয় যে গুগল ক্ৰোমে এই অপাৰেটিং ছিষ্টেম সংস্কৰণ থকা ফোনত কাম কৰাটো নিশাটোৰ ভিতৰতে বন্ধ কৰি দিব। ফোনত ক্ৰ’ম ব্যৱহাৰ কৰিব পাৰিব, কিন্তু কোনো সুৰক্ষা নাথাকিব।
ইপিনে, সকলো কাম কৰিবলৈ ক্ৰোমৰ প্ৰয়োজন। আৰু এই ক্ষেত্ৰত তথ্য লিক হোৱাৰ আশংকা বেছি। বিশেষকৈ ফোনটোৰ জৰিয়তে বিভিন্ন স্পৰ্শকাতৰ এপ বা চাইট খুলিলে ডাটা লিকেজ হোৱাৰ সম্ভাৱনা কেইবাগুণো বৃদ্ধি পাব।
তথ্য অনুসৰি এণ্ড্ৰইড ৯ ব্যৱহাৰকাৰীৰ ৬ শতাংশই এতিয়াও ইয়াক ব্যৱহাৰ কৰি আছে। ৮ আৰু ৮.১ ব্যৱহাৰকাৰী ৪ শতাংশ । কোম্পানীয়ে জনাইছে যে যিসকলে এই চফটৱেৰৰ এই সংস্কৰণ ব্যৱহাৰ কৰে তেওঁলোকে সম্ভৱ হ’লে তৎক্ষণাত অ’ এছ আপডেট কৰিব লাগে। নহ’লে ফোনটো সলনি কৰক। অন্যথা সমস্যাৰ সন্মুখীন হ’ব লাগিব।
সেয়ে আৰু পলম নকৰাকৈয়ে আপোনাৰ ফোনটোৰ অপাৰেটিং চিষ্টেমৰ সংস্কৰণটো দ্ৰুতভাৱে পৰীক্ষা কৰক আৰু তাৰ পিছতহে নতুন ফোন এটা কিনাৰ সিদ্ধান্ত লওক।
