শেহতীয়াকৈ বহু বিখ্যাত ব্যক্তি তথা জনসাধাৰণৰ আকস্মিক মৃত্যুক লৈ প্ৰশ্ন উত্থাপন হৈছে। প্ৰশ্ন হ’ল মহামাৰীৰ পিছৰ সময়ছোৱাত প্ৰাপ্তবয়স্কৰ অকাল মৃত্যুৰ লগত ক’ভিড কেনেবাকৈ জড়িত নেকি? জনমাসত প্ৰশন উত্থাপিত হৈছে যে ক’ভিড ভেকচিন যোগ কৰা হৈছে নেকি? এই সন্দৰ্ভত ইণ্ডিয়ান মেডিকেল কাউন্সিল (আই চি এম আৰ) আৰু এইমছে যুটীয়া ভাবে প্ৰতিবেদন প্ৰকাশ কৰিছে। তেওঁলোকৰ প্ৰতিবেদন অনুসৰি ক’ৰ’না ভেকচিন গ্ৰহণ আৰু হৃদৰোগৰ ফলত হোৱা মৃত্যুৰ মাজত কোনো সম্পৰ্ক নাই।
বিগত মাহত কৰ্ণাটকৰ হাছান জিলাত হৃদৰোগৰ বাবে কমেও ২০ জন লোকৰ মৃত্যু হৈছে। সিদ্দাৰমাইয়াই দাবী কৰে যে মহামাৰীৰ সময়ত ক’ভিড ভেকচিনৰ বিষয়ে বহু চৰ্চা চলিছে। ইয়াৰ লগত ডেকা-গাভৰুৰ অকাল মৃত্যুৰ সম্পৰ্ক থাকিব পাৰে। ইয়াৰ পাছতে তেওঁ কৰ’না ভেকচিনৰ পাৰ্শ্বক্ৰিয়াৰ ওপৰত গৱেষণাৰ বাবে এখন কমিটী গঠন কৰাৰ কথা ঘোষণা কৰে। কণ্ঠশিল্পী কে কে, মহামাৰীৰ সময়ত অভিনেতা সিদ্ধাৰ্থ শুক্লা আৰু শেহতীয়াকৈ অভিনেত্ৰী শ্বেফালিৰ মৃত্যুৰ পাছতো বহুতে ক’ভিড ভেকচিনক লৈ সন্দেহ প্ৰকাশ কৰিছে।
এই সন্দৰ্ভত কেন্দ্ৰীয় স্বাস্থ্য মন্ত্ৰালয়ে বুধবাৰে কয় যে হঠাৎ আৰু অকাল মৃত্যুৰ সৈতে কভি’ড ভেকচিন সন্দৰ্ভত কৰা দাবী সম্পূৰ্ণ মিছা আৰু বিভ্ৰান্তিকৰ হ’ব পাৰে। বৈজ্ঞানিক গৱেষণাৰ লগত ই সামঞ্জস্যপূৰ্ণ নহয়।
কেন্দ্ৰই কয়, অকালতে মৃত্যু হোৱা ১৮-৪৫ বছৰ বয়সৰ লোকসকল, কিয় এনে পৰিস্থিতিৰ সন্মুখীন হৈছে? কিন্তু আইচিএমআৰ আৰু ‘নেশ্যনেল চেণ্টাৰ ফৰ ডিজিজ কণ্ট্ৰ’ল’ (এনচিডিচি)-এ ইয়াৰ ওপৰত অধ্যয়ন কৰিছিল বিলি জনাইছে। ২০২৩ চনৰ মে’ৰ পৰা ২০২৩ চনৰ আগষ্টৰ ভিতৰত দেশৰ ১৯খন ৰাজ্য আৰু কেন্দ্ৰীয় শাসিত অঞ্চলৰ ৪৭খন চিকিৎসালয়ৰ পৰা তথ্য সংগ্ৰহ কৰা হৈছিল। আইচিএমআৰ আৰু এমচিঅ’ই একে বিষয়ৰ ওপৰত গৱেষণা কৰিছিল। দুটা গৱেষণা প্ৰতিবেদনত ক’ৰোনা ভেকচিন লৈ প্ৰাপ্তবয়স্কৰ হঠাৎ মৃত্যু হোৱা সন্দৰ্ভত কোনো সংযোগ নাই।
উল্লেখ্য যে এক আৰটিআইৰ উত্তৰত প্ৰকাশিত অনুসৰি ২০১৮ চনৰ পৰা ২০২৪ চনৰ মে’ মাহলৈ অসমৰ তিনিখন চিকিৎসালয় ক্ৰমে এএমচিএইচ, টিএমচিএইচ আৰু জিএমচিএইচত হৃদযন্ত্ৰৰ অৱস্থা আৰু উচ্চ ৰক্তচাপত ৩১৯৫ জন লোকৰ মৃত্যু হৈছিল আৰু ২০২২ চনৰ পৰা মৃত্যুৰ হাৰ যথেষ্ট বৃদ্ধি পাব টিএমচিএইচত উচ্চ ৰক্তচাপৰ মৃত্যু ২০১৮ চনত ১৮০ৰ পৰা ২০২২ চনত ২৯৭লৈ বৃদ্ধি পাইছে, আৰু ২০২৪ চনত ৯৮লৈ বৃদ্ধি পোৱাৰ সম্ভাৱনা আছে।
