অসম চৰকাৰৰ জনস্বাস্থ্য কাৰিকৰী বিভাগৰ মন্ত্ৰী জয়ন্ত মল্ল বৰুৱাৰ পৰিয়ালৰ কোম্পানী ‘জেএমবি একুৱা এগ্রো প্রাইভেট লিমিটেড’ৰ নামত এদিনতে পুনৰ ৩৯ বিঘা ৩ কঠা ১৬ লেচা ভূমি ক্ৰয় কৰাৰ চাঞ্চল্যকৰ তথ্য লাভ কৰা হৈছে। কামৰূপ জিলাৰ ৰঙিয়া মহকুমাৰ কঞা ৰাজহ চক্ৰৰ পাণ্ডুৰি মৌজাৰ কুমতিবাৰী ৰাজহ গাঁৱত ২০২৩ চনৰ ২৬ এপ্রিল তাৰিখে একেটা দিনতে প্রায় ৪০ বিঘা মাটিৰ মালিকীস্বত্ব লাভৰ গৌৰৱ অৰ্জন কৰিছে জেএমবি (জয়ন্ত মল্ল বৰুৱা?) একুৱা এগ্রো প্রাইভেট লিমিটেড নামৰ কোম্পানীটোৱে। এই কোম্পানীটোৰ মেনেজিং ডাইৰেক্টৰ হ’ল মন্ত্ৰী জয়ন্ত মল্ল বৰুৱাৰ পত্নী জুলী ডেকা বৰুৱা আৰু ডাইৰেক্টৰ হ’ল ক্ৰমে মন্ত্ৰীৰ জী তৃণাবৃতা বুজৰবৰুৱা।
কোম্পানীটোৰ আন এজন ডাইৰেক্টৰ হ’ল জেহিৰুল ইছলাম। এই জেহিৰুল ইছলামৰ নামতে জেএমবি একুৱা এগ্রো প্রাইভেট লিমিটেডৰ হৈ এই ৪০ বিঘা মাটি ক্রয় কৰা হৈছে। অসম চৰকাৰৰ ৰাজহ বিভাগৰ জৰীপ হোৱা গাঁওৰ জমাবন্দীত উল্লেখ আছে যে ২৬/৪/২০২৩ তাৰিখে অর্থাৎ; জয়ন্ত মল্ল বৰুৱাই অসম মন্ত্রী সভাত মন্ত্রীত্ব লাভ কৰাৰ পাছত, জেএমবি (জয়ন্ত মল্ল বৰুৱা?) একুৱা এগ্রো প্রাইভেট লিমিটেডৰ নামত ৰঙিয়াৰ কুমতিবাৰী গাঁৱত পট্টা নং ৭ ৰ দাগ নং ১৪৬, ১৪৫, ৩০০, ৩০২, ৩০১, ৬২৮, ৬২৬ আৰু ২৪৯ দাগৰ ক্ৰমে ১ বিঘা ১০ লেচা; ৫ বিঘা ৩ কঠা ১০ লেচা; ১ বিঘা ২ কঠা ২ লেচা; ১ কঠা ১০ লেচা; ৩ বিঘা, ১ কঠা; ১ কঠা ৮ লেচা; আৰু ১ বিঘা ২ কঠা ১৭ লেচা সর্বমুঠ ১৩ বিঘা ২ কঠা ১৭ লেচা মাটি ক্ৰয় কৰিছে। তদুপৰি একেখন গাঁৱৰে পট্টা নং ১১ ৰ দাগ নং ২৪৭ ত ১ বিঘা; ২৪৬ দাগত ১ বিঘা ২ কঠা; ২৪৫ দাগত ১ বিঘা ১ কঠা; ১৭৩ দাগত ৪ কঠা; ১৭৪ দাগত ২ কঠা আৰু ৩০ নং দাগত ৪ বিঘা সর্বমুঠ ১০ বিঘা ১ কঠা মাটি ক্রয়; ১৩ নং পট্টাৰ দাগ নং ৪১৫ ৩ ১২ লেচা; দাগ নং ৬৩৩ ত ২ কঠা ২ লেচা সর্বমুঠ ২ কঠা ১৪ লেচা মাটি ক্রয়; পট্টা নং ২৩ ৰ দাগ নং ২৫২ ত ১ বিঘা ৩ কঠা ১৮ লেচা; দাগ নং ৪৪৯ ৩ ২ কঠা ১৫ লেচা; দাগ নং ২৫১ ৩ ১ বিঘা ১ কঠা ৩ লেচা; দাগ নং ১৬৬ ত ৪ কঠা ১৬ লেচা; দাগ নং ১৬৫ ৩ ১ কঠা ১৫ লেচা; সর্বমুঠ মাটি ক্রয় ৪ বিঘা ৪ কঠা ১৭ লেচা; ২৫ নং পট্টাৰ দাগ নং ৩২২ ৩ ৩ বিঘা ৫ লেচা; দাগ নং ৩২১ ৩ ২ বিঘা ১ কঠা সর্বমুঠ ৫ বিঘা ১ কঠা ৫ লেচা মাটি ক্ৰয় কৰাৰ লগতে পুনৰ একেখন গাঁৱৰে ৪৩ নং পট্টাৰ দাগ নং ৩২৫ ৩ ১ কঠা ১০ লেচা; দাগ নং ৩১৬ ৩ ৩ বিঘা ৪ কঠা ১৬ লেচা; দাগ নং ১৯০ ৩ ১৪ লেচা; দাগ নং ২৩৫ ৩ ২ কঠা ৪ লেচা; দাগ নং ২২৭ ৩ ২ কঠা ৯ লেচা সর্বমুঠ ৫ বিঘা ১ কঠা ১৩ লেচা মাটি ক্রয় কৰে। মন্ত্ৰী জয়ন্ত মল্ল বৰুৱাৰ পত্নীৰ মালিকানাধীন কোম্পানীটোৱে এইদৰে একেদিনাই ৰঙিয়াৰ কুমতিবাৰীত ক্রয় কৰে ৩৯ বিঘা ৩ কঠা ১৬ লেচা মাটি।
২০২১ ৰ নিৰ্বাচনী শপতনামা অনুসৰি জয়ন্ত মল্ল বৰুৱাৰ পত্নী বা পৰিয়ালৰ নামত নাই কোনো কৃষিভূমি কিন্তু মন্ত্রী হোৱাৰ পিছতে জয়ন্ত মল্ল বৰুৱাৰ পত্নীয়ে কোম্পানীৰ নামত ক্ৰয় কৰে ৩৯ বিঘা ৩ কঠা ১৬ লেচা মাটি। ইতিমধ্যে সংবাদ মাধ্যমত খবৰ প্ৰকাশ পাইছে যে জয়ন্ত মল্ল বৰুৱাৰ পত্নী জুলি ডেকা বৰুৱাই তেজপুৰত ক্ৰয় কৰিছে ৩৬ বিঘা অকৃষিভূমি।
অর্থাৎ, এতিয়ালৈকে পোহৰলৈ অহা তথ্য অনুসৰি মন্ত্ৰী হোৱাৰ পিছত মন্ত্ৰী পত্নী জুলি ডেকা বৰুৱাই ক্ৰয় কৰিছে ৭৫ বিঘা ৩ কঠা ১৬ লেচা মাটি। জয়ন্ত মল্ল বৰুৱাই মন্ত্ৰী হিচাপে দায়িত্ব গ্রহণ কৰিছে ২০২২ চনৰ জুনত। মন্ত্ৰী হোৱাৰ তিনি বছৰৰ ভিতৰত মন্ত্ৰী জয়ন্ত মল্ল বৰুৱাই পৰিয়ালৰ নামত এইদৰে গঢ়ি তুলিছে সম্পত্তিৰ পাহাৰ। স্বাভাৱিকতে প্রশ্ন উত্থাপন হ’ব ক’ৰ পৰা আহিছে এইদৰে ভূ-সম্পত্তিৰ গঢ়াৰ ধন? জেজেএমৰ পৰা নে পৰ্যটন বিভাগৰ পৰা? নে গুৱাহাটী উন্নয়নৰ পৰা?
