ঠিক আহমেদাবাদৰ দৰেই লণ্ডনৰ চাউথেণ্ড বিমানবন্দৰত উৰণৰ মাত্ৰ কেইছেকেণ্ডমানৰ পিছতে এখন বিমান দুৰ্ঘটনাগ্ৰস্ত হৈছে। জানিব পৰা মতে এখন সৰু বিমান দুৰ্ঘটনাগ্ৰস্ত হৈছে।
বিমানখনত হোৱা বিস্ফোৰণৰ ভয়াবহ ছবি আৰু ভিডিঅ’ মুকলি কৰা হৈছে। যদিও দুৰ্ঘটনাটোত হতাহতিৰ খবৰ এতিয়াও স্পষ্ট হোৱা নাই। উদ্ধাৰৰ কাম আৰম্ভ হৈছে।
এচেক্স আৰক্ষীয়ে এই দুৰ্ঘটনা নিশ্চিত কৰিছে। এক বিবৃতিত তেওঁলোকে কয় যে চাউথেণ্ড বিমানবন্দৰত সংঘটিত হোৱা ভয়াৱহ কাণ্ডৰ বাবে আমি সেই স্থানত আছো। তাতে (দেওবাৰে) বিয়লি প্ৰায় ৪ বজাত দুৰ্ঘটনাগ্ৰস্ত হয় এখন ১২ মিটাৰ দৈৰ্ঘ্যৰ বিমান। সাধাৰণতে এই আকাৰৰ বিমান এখনত সৰ্বাধিক ৯ জন যাত্ৰী আৰু ২ জন বিমানকৰ্মী বহিব পাৰে।
প্ৰাথমিকভাৱে পোৱা খবৰ মতে বিমানখন চাউথেণ্ড বিমানবন্দৰৰ পৰা নেদাৰলেণ্ডলৈ ৰাওনা হৈছিল। কিন্তু কেইছেকেণ্ডমান পিছতে দুৰ্ঘটনাগ্ৰস্ত হৈ পৰিল। বিমানখনত হোৱা বিস্ফোৰণৰ ভিডিঅ’ ছ’চিয়েল মিডিয়াত ভাইৰেল হৈছে। দুৰ্ঘটনাৰ পিছতে সমগ্ৰ বিমানবন্দৰৰ চৌহদ ক’লা ধোঁৱাৰে আবৃত হৈ পৰে।
খবৰ পোৱাৰ লগে লগে উদ্ধাৰৰ কাম আৰম্ভ হয় । দুৰ্ঘটনাস্থলীত আৰক্ষী, অগ্নিনিৰ্বাপক বাহিনী আৰু চিকিৎসা কৰ্মী উপস্থিত হয়।
এই কাণ্ডত স্তম্ভিত হৈ স্থানীয় লেবাৰ পাৰ্টিৰ সাংসদ ডেভিদ বাৰ্টনে চেমছনে এক্স হেণ্ডেলত লিখিছে, “মই সকলো ধৰণে দুৰ্ঘটনাগ্ৰস্তসকলৰ সৈতে আছো।”
ইফালে, চাউথেণ্ড বিমানবন্দৰৰ সূত্ৰ অনুসৰি এই দুৰ্ঘটনাৰ বাবে কমেও চাৰিখন বিমানৰ উৰণ বাতিল কৰা হৈছে।
