আজি গোৱালপাৰা জিলাৰ পাইকানৰ উচ্ছেদস্থলীত সংঘটিত বৰ্বৰোচিত গুলী চালনাত এজন লোকৰ মৃত্যু হোৱাৰ লগতে কেইবাজনো লোক গুৰুতৰভাৱে আহত হোৱা ঘটনা সন্দৰ্ভত প্ৰতিক্ৰিয়া প্ৰকাশ কৰি হিমন্ত বিশ্ব শৰ্মাৰ বিজেপি চৰকাৰক তীব্ৰ সমালোচনা কৰি ৰাইজৰ দলৰ সম্পাদক আশ্ৰাফুল ইছলামে কয়- স্বেচ্ছাচাৰীতাৰ সকলো সীমা উলঙ্ঘন কৰি মুখ্যমন্ত্ৰী হিমন্ত বিশ্ব শৰ্মা এতিয়া হিটলাৰ হৈ পৰিছে, নহলেনো উচ্ছেদৰ পিছত সৰ্বহাৰা হোৱা নিজৰ ৰাজ্যৰ নাগৰিকক গুলীয়াই হত্যা কৰিব পাৰেনে?
হিমন্ত বিশ্ব শৰ্মাৰ বিজেপি চৰকাৰখন এতিয়া হত্যাকাৰীৰ চৰকাৰলৈ পৰিণত হৈছে।
এই গুলীচলানা সংঘটিত হোৱাৰ বাবে দায়ী বন বিষয়া জগদীশ বৰ্মনক অতি শীঘ্ৰে গ্ৰপ্তাৰ কৰাৰ দাবী জনায় ৰাইজৰ দলৰ নেতাগৰাকীয়ে। নিহত পৰিয়ালৰ লোকক ১ কোটি টকা আৰু আহত সকলক বিনামূলীয়া চিকিৎসাৰ লগতে ৫ লাখকৈ ক্ষতিপূৰণ দিয়াৰ দাবীও উত্থাপন কৰা ৰাইজৰ দলৰ নেতা আশ্ৰাফুল ইছলামে।
