নেশ্যনেল কাউন্সিল অৱ এডুকেশ্যনেল ৰিচাৰ্চ এণ্ড ট্ৰেইনিং চমু কৈ এনচিইআৰটি পাঠ্যক্ৰমত ভুল তথ্য সন্নিবিষ্ট কৰি পুনৰ এবাৰ বিতৰ্কৰ মজত সোমাই পৰিছে। এনচিইআৰটিৰ দ্বাৰা প্ৰৱৰ্তন কৰা অষ্টম শ্ৰেণীৰ ইতিহাসৰ পাঠ্যপুথিৰ ‘ট্ৰাইবছ, নোমাডছ এণ্ড চেটলড কমিউনিটিজ’ অধ্যায়ত বহুকেটা তথ্য ভুল ৰূপত উপস্থাপন কৰা পৰিলক্ষিত হৈছে।
আহোম শাসন ব্যস্থাক বিকৃত ৰূপত প্ৰকশ কৰা বাবে এনচিইআৰটি অসমৰ শিক্ষাবিদ তথা ইতিহাসবিদসকলৰ তীব্ৰ সমালোচনাৰ সন্মুখীন হৈছে। পাঠ্যপুথিখনত ৬০০ বছৰৰো অধিক সময় অসমত শাসন কৰা আহোম শাসানৰ কথা সংযোগ কৰিছে যদিও বিশেষজ্ঞসকলে ভুল ৰূপত উপাস্থাপন কৰা বাবে অসন্তুস প্ৰকাশ কৰিছে। পূৰ্বতে আওকাণ কৰা অসমৰ ইতিহাসক স্বীকৃতি প্ৰদানৰ দিশত ই গুৰুত্বপূৰ্ণ হ’লেও, এই ভুলবোৰে উদ্বেগৰ সৃষ্টি কাৰিছে।
পঠ্যপুঠি খনত বিশেজ্ঞসোকোলে আঙুলিয়াই দিয়া গুৰুত্বপূৰ্ণ দিশটো হ’ল আহোমসকল বৰ্তমানৰ ম্যানমাৰৰ পৰা আহিছিল বুলি কৰা দাবী। পাঠ্যপুঠি খনত উল্লেখ কৰা এই দবী খণ্ডন কৰি যে ঐতিহাসিক তথ্য অনুসৰি তেওঁলোক চীনৰ ইউনান প্ৰদেশৰ মুং মাওৰ পৰা আহিছিল।
পাঠ্যপুথিখনত আহোম শাসন ব্যৱস্থাৰ প্ৰশাসনিক আৰু সামৰিক গাঁথনি পাইক প্ৰথাক বুলি ভুলকৈ প্ৰকাশ কৰিছে। বিশেষজ্ঞ সকলে স্পষ্ট কৰি দিছে যে ই এনে এক ব্যৱস্থা য’ত ব্যক্তিয়ে মাটি লাভ কৰিছিল আৰু শোষণৰ ভিত্তিত নহয়, যোগ্যতাৰ ভিত্তিত ওপৰলৈ উঠিব পাৰিছিল।
পাঠ্যপুঠি খনত পৰিলক্ষিত আন এট ত্ৰুটি হ’ল আহোম-মোগল সংঘাত, বিশেষকৈ ১৬৬৩ চনৰ ঘিলাঝাৰিঘাট সন্ধিক আহোমৰ বাবে পৰাজয় হিচাপে অতি সৰলীকৰণ কৰা একপক্ষিয় ভাবে উপস্থাপন। ইতিহাসবিদসকলে যুক্তি আগবঢ়ায় যে আহোমোৰ এই পৰাজয়ৰ আঁৰত পুনৰ গোট খোৱাৰ কৌশলগত পদক্ষেপ আছিল, আৰু আহোমসকলে পিছলৈ মোগলক খেদি পঠিয়াইছিল।
ইয়াৰোপৰি ক্ৰীড়া ব্যৱস্থা, ৰংঘৰ, তলাতঘৰ, শৰাইঘাটৰ যুদ্ধত লাচিত বৰফুকনৰ বিজয়ৰ দৰে গুৰুত্বপূৰ্ণ সবিশেষ বাদ পৰাত বিশেষজ্ঞসকলো বিচলিত হৈ পৰিছে। এই ভুলসমূহ শুধৰণি কৰি আহোমৰ উত্তৰাধিকাৰ সঠিকভাৱে উপস্থাপন কৰিবলৈ আঞ্চলিক ইতিহাসবিদসকলৰ সৈতে পৰামৰ্শ কৰিবলৈ এনচিইআৰটিক আহ্বান জনাইছে।
উল্লেখ্য যে এনচিইআৰটিৰ পাঠ্যপুথিত এনে ধৰণৰ ত্ৰুটি সহজ হৈ পৰিছে। সংস্থাটোৰ এনে স্থিতিয়ে এতিয়া সচেতন মহলৰ মজত উদ্বেগৰ সৃষ্টি কৰিছে।
