অসমলৈ অনা হ’ব মহাপুৰুষ শ্ৰমন্ত শংকৰদেৱে বৈ উলিওৱা বৃন্দাবনিই বস্ত্ৰ। ২০২৭ চনত লণ্ডনৰ ব্ৰিটিছ মিউজিয়ামৰ পৰা অসমলৈ অনা এই আপুৰুগীয়া বস্ত্ৰখন। অসমত মুঠ ১৮ মাহ ৰখা হ’ব বস্ত্ৰখনি।
শনিবাৰে লোকসেৱা ভৱনত সংবাদমেলযোগে এই কথা সদৰী কৰিছে মুখ্যমন্ত্ৰী হিমন্ত বিশ্ব শৰ্মাই।
হিমন্ত বিশ্ব শৰ্মাই কয় যে ‘‘ব্ৰিটিছৰ তিনিটা সংগ্ৰহালয়ত বৃন্দাবনী বস্ত্ৰখন আছে। ইতিমধ্যে ব্ৰিটিছ মিউজিয়ামৰ লগত চৰকাৰে কথা পাতিছে। কলাক্ষেত্ৰত ৰাখিব পৰা নাযাব বস্ত্ৰখন। বস্ত্ৰখন ৰাখিবলৈ এটা অত্যাধুনিক সংগ্ৰাহালয় নিৰ্মাণ কৰিলেহে ব্ৰিটিছ মিউযিয়ামে অসমলৈ বস্ত্ৰখন প্ৰেৰণ কৰিব। ইতিমধ্যে মুখ্যমন্ত্ৰীলৈ চিঠি প্ৰেৰণ কৰিছে ব্ৰিটিছ মিউযিয়ামে।”
সংবাদমেলত মুখ্যমন্ত্ৰীয়ে জনোৱা মতে, খানাপাৰাত এবিঘা ভূমিত এই মিউজিয়াম নিৰ্মাণ কৰা হ’ব। এই মিউজিয়াম নিৰ্মাণৰ দায়িত্ব ল’ব JSW গ্ৰুপে।
মুখ্যমন্ত্ৰীয়ে জনোৱা মতে, এই বৰ্ষতে কলাক্ষেত্ৰত বস্ত্ৰখনি ডিজিটেল ৰূপত প্ৰদৰ্শনৰ ব্যৱস্থা কৰা হ’ব।
ব্ৰিটিছ মিউজিয়ামৰ কৰ্তৃপক্ষৰ সৈতে আলোচনা কৰিবৰ বাবে অক্টোবৰত লণ্ডনলৈ যাব মুখ্যমন্ত্ৰী হিমন্ত বিশ্ব শর্মা।
মুখ্যমন্ত্ৰীয়ে কয় যে ‘‘বৃন্দাবনী বস্ত্ৰ ব্ৰিটিছ আৰু ফ্ৰান্সত থকা বুলি বিভিন্ন সময়ত চর্চাও চলি থাকে। কোনখন আচল বা কোনখন নকল কোৱাটো টান। আমি অসমলৈ বৃন্দাবনী বস্ত্ৰখন প্ৰদৰ্শনী বাবে অনাৰ বাবে যোগাযোগ চলি আছিল। JSW নামৰ এটা সংস্থাই ব্ৰিটিছ মিউজিয়াম আৰু অসম চৰকাৰৰ মাজত যোগাযোগ কৰি দিছিল। শেহতীয়াকৈ ব্ৰিটিছ মিউজিয়ামৰ পৰা কেইটামান চৰ্ত দিছে। চৰ্ত পূৰণ হ’লে বৃন্দাবনী বস্ত্ৰখন অসমলৈ আনিব পৰা যাব।”
