কিংবদন্তি কণ্ঠশিল্পী জুবিন গাৰ্গৰ একাউণ্টৰ পৰা মুঠ ১.১ কোটিৰো অধিক ধনৰ আৰ্থিক লেনদেন ধৰা পৰাৰ পিছত অসম আৰক্ষীয়ে গ্ৰেপ্তাৰ কৰিছে দুই ব্যক্তিগত নিৰাপত্তা বিষয়াক।
ধৃত পিএছঅ’ নন্দেশ্বৰ বৰা আৰু প্ৰবীণ বৈশ্যৰ আয়ৰ জ্ঞাত উৎসতকৈ বহু বেছি ধন আছিল। এটা একাউণ্টত ৭০ লাখ টকা আৰু আনটো একাউণ্টত আছিল ৪৫ লাখ টকা।
বিগত চাৰিদিন ধৰি বিশেষ তদন্তকাৰী দলে তেওঁলোকৰ জেৰা অব্যাহত ৰাখিছে। জুবিনৰ পত্নী গৰিমা শইকীয়া গাৰ্গে স্পষ্ট কৰি দিয়ে যে এই ধন তেওঁৰ সমাজ কল্যাণমূলক কামৰ বাবে পিএছঅ’সকলক দিয়া হৈছিল।
তেওঁ কয়, ‘’পি এছ অ’সকলৰ হাতত সকলো বেংক ষ্টেটমেণ্ট আছে আৰু বিভিন্ন লেনদেন এখন ডায়েৰীত লিপিবদ্ধ আছে।‘’ তেওঁ তদন্তত ৰাজনীতি কৰাতকৈ সত্য উন্মোচন কৰাতহে গুৰুত্ব দিবলৈ আহ্বান জনায়।
নিষিদ্ধ আলফা সংগঠনৰ ভাবুকিৰ পিছত প্ৰথম অসম আৰক্ষীয়ে আগবঢ়োৱা পি এছ অ’ দুগৰাকী প্ৰায় এটা দশক ধৰি কণ্ঠশিল্পীগৰাকীৰ সৈতে আছিল। এই সন্দৰ্ভত এছ আই টিয়ে তদন্ত অব্যাহত ৰাখিছে।
এতিয়ালৈকে প্ৰয়াত কণ্ঠশিল্পী জুবিন গাৰ্গৰ মৃত্যুৰ সৈতে জড়িত ৭ জন লোকক গ্ৰেপ্তাৰ কৰা হৈছে।
যোৱা ১ অক্টোবৰত, প্ৰথম গাফিলতি আৰু ষড়যন্ত্ৰৰ অভিযোগত অভিযুক্ত নৰ্থইষ্ট ফেষ্টিভেলৰ আয়োজক শ্যামকানু মহন্ত আৰু জুবিনৰ মেনেজাৰ সিদ্ধাৰ্থ শৰ্মাকগ্ৰেপ্তাৰ কৰা হয়।
তাৰপিছত ২ অক্টোবৰত জুবিনৰ মৃত্যুৰ পৰিঘটনাত জৰিত থকাৰ অভিযোগত বাদ্যযন্ত্ৰী শেখৰজ্যোতি গোস্বামী আৰু কণ্ঠশিল্পী অমৃতপ্ৰভা মহন্তক জিম্মাত লোৱা হয়।
সেইদৰে, ৮ অক্টোবৰত এই ঘটনাৰ সময়ত য়টত কন্ঠশিল্পীগৰাকীৰ সৈতে উপস্থিত থকা ডি এছ পি তথা জুবিন গাৰ্গৰ সম্বন্ধীয় ভাতৃ সন্দিপন গাৰ্গক গ্ৰেপ্তাৰ কৰা হৈছে।
তাৰপিছতে জুবিনৰ ব্যক্তিগত নিৰাপত্তা বিষয়া নন্দেশ্বৰ বৰা আৰু প্ৰবীণ বৈশ্যক তেওঁলোকৰ একাউণ্টত মুঠ ১.১ কোটি তকৈ অধিক বিত্তীয় লেনদেন আৱিষ্কাৰ হোৱাৰ পিছত আজি ১০ অক্টোবৰত গ্ৰেপ্তাৰ কৰা হয়।
