মোবাইল ফোন চাৰ্জিং কৰাৰ সময়ত কেইবাটাও সাৱধানতা আছে। আমাৰ বহুতেই হয়তো সেইবোৰৰ বিষয়ে নাজানে। সাধাৰণতে বহুতে সদায় মোবাইল ফোনটো ১০০ শতাংশ চাৰ্জ হোৱাৰ পিছতহে এডাপ্টাৰটো খুলি দিয়ে। কিন্তু এই প্ৰক্ৰিয়াটো মোবাইল ফোনটোৰ বেটাৰীৰ স্বাস্থ্যৰ বাবে বৰ ভাল নহয়। কিন্তু মোবাইল ফোনটোৰ বেটাৰী কিমান দিন চাৰ্জ কৰি ৰাখিব লাগে আপুনি সঠিকভাৱে জানেনে?
এটা মোবাইল ফোন ইমানেই অপৰিহাৰ্য ডিভাইচ যে আমি ইয়াক প্ৰায় ২৪ ঘন্টা ব্যৱহাৰ কৰিব লগা হয়। গতিকে ইয়াৰ বেটাৰী বেকআপৰ ক্ষেত্ৰতো বিশেষ যত্নৰ প্ৰয়োজন। কাৰণ যদি অলপ সময়ৰ পিছত বেটাৰীৰ বেকআপ শেষ হৈ যায়, তেন্তে আমি বিভিন্ন ধৰণৰ সমস্যাৰ সন্মুখীন হ’বলগীয়া হয়।
ৰাস্তাত আৰু বিভিন্ন গুৰুত্বপূৰ্ণ কামৰ বাবে সকলো সময়তে চাৰ্জ লোৱা সম্ভৱ নহয়। আকৌ বহুবাৰ সামান্য অসাৱধানতাৰ বাবে আমি বেটাৰীৰ পাৰফৰমেন্স নষ্ট কৰি পেলাওঁ। মোবাইল ফোন চাৰ্জ কৰাৰ পদ্ধতি সম্পৰ্কে কিছু সাৱধানতা জানি লোৱা যাওক।
মোবাইল ফোন ১০০ শতাংশ চাৰ্জ কৰা উচিত নে?
• আজিৰ আধুনিক স্মাৰ্টফোনত মোবাইলৰ বেটাৰী লিথিয়াম আয়নৰ দ্বাৰা নিৰ্মিত। এই আধুনিক প্ৰযুক্তিৰ বেটাৰীবোৰে সাধাৰণতে ৩০ৰ পৰা ৩৫ শতাংশ চাৰ্জ কৰিলেহে ভাল কাম কৰে। কিন্তু যদি আপুনি ইয়াক সদায় ১০০শতাংশ বা সম্পূৰ্ণ চাৰ্জ কৰে তেন্তে ই ডিভাইচটোৰ ক্ষতি কৰে।
• গৱেষকসকলে কয় যে লিথিয়াম-আয়ন বেটাৰীৰ আয়ুস ২ৰ পৰা ৩ বছৰ। অৰ্থাৎ এই সময়ছোৱাত ই অতি ভাল প্ৰদৰ্শন কৰে। আকৌ এটা আধুনিক স্মাৰ্টফোনৰ বেটাৰীত ৩০০ৰ পৰা ৫০০ চাৰ্জিং চাইকোল থাকে। অৰ্থাৎ যদি আপুনি বেটাৰীটো এবাৰ সম্পূৰ্ণৰূপে চাৰ্জ কৰে, অৰ্থাৎ ১০০ শতাংশ, তেন্তে এটা চাইকোল সম্পূৰ্ণ হ’ব। আৰু যদি আপুনি বেটাৰীটো ৩০০ৰ পৰা ৫০০ বাৰ সম্পূৰ্ণ চাৰ্জ কৰে, তেন্তে বেটাৰীৰ সকলো চাইকোল সম্পূৰ্ণ হ’ব। এনে পৰিস্থিতিত, পাৰফৰমেঞ্চ আৰু বেকআপ কিছু হ্ৰাস হ’ব পাৰে। আনকি, বেটাৰীটোও একে কাৰণতে সোনকালে বেয়া হৈ যায়।
সেয়েহে টেকনিচিয়ানসকলে পৰামৰ্শ দিয়ে যে যদি স্মাৰ্টফোনৰ বেটাৰী ৯০শতাংশ হয় তেন্তে চাৰ্জিঙৰ পৰা বিচ্ছিন্ন কৰিব লাগে। ইয়াৰ পৰা ৮০ৰ পৰা ৮৫ শতাংশৰ ভিতৰত চাৰ্জ লোৱাটোৱেই উত্তম। এইদৰে চাইকোলটো সম্পূৰ্ণ নহয় আৰু ডিভাইচটোৰ পাৰফৰমেঞ্চ বহুদিনলৈ ভাল হৈ থাকে।
