সকলোৱে এই মুহূৰ্তটোৰ বাবে আগ্ৰহেৰে অপেক্ষা কৰি আছিল। অৱশেষত আহিল বিশেষ মুহূৰ্তটো। জেফ বেজোছৰ ব্লু অৰিজিনে ইয়াৰ সৈতে নতুন ইতিহাস ৰচনা কৰে। ব্লু অৰিজিনে নাছাৰ যমজ মহাকাশযান কঢ়িয়াই নিয়া মংগল গ্ৰহলৈ ৰকেট নিক্ষেপ কৰিলে। বৃহস্পতিবাৰে সফলতাৰে পাৰ হৈ যায় মংগল গ্ৰহলৈ যোৱা নিউ গ্লেন বুষ্টাৰখন।
এই সফলতাই ব্লু অৰিজিনক স্পেচএক্সৰ ফেলকন ৯ পুনৰ ব্যৱহাৰযোগ্য মডেলৰ ওচৰলৈ লৈ গৈছে। ভৱিষ্যতে ইয়াৰ দ্বাৰা বাণিজ্যিক আৰু নাছাৰ অভিযানৰ সম্ভাৱনা আৰু অধিক আগুৱাই নিব বুলি সকলোৱে আশাবাদী।
বৃহস্পতিবাৰে ফ্ল’ৰিডাৰ কেপ কানাভেৰেল স্পেচ ফোৰ্চ ষ্টেচনৰ পৰা উৎক্ষেপণ কৰা হয় ব্লু অৰিজিনৰ ৩২১ ফুট দীঘল নিউ গ্লেন ৰকেট। বাতৰি অনুসৰি, এই অভিযানত নাছাৰ বাবে যমজ ESCAPADE মহাকাশযান আৰু ভিয়াছাটৰ বাবে এটা প্ৰদৰ্শনী পেলোড কঢ়িয়াই নিয়া হৈছে।
ৰকেটটোৰ প্ৰথম পৰ্যায়ৰ বুষ্টাৰখন স্বায়ত্তশাসিতভাৱে আটলাণ্টিকৰ প্ৰায় ৩৭৫ মাইল তলৰ ৰেঞ্জত থকা সাগৰভিত্তিক প্লেটফৰ্ম জেকলিনত থিয় হৈ অৱতৰণ কৰে। পুনৰুদ্ধাৰ পৰ্যায়ত ইয়াক এক উল্লেখযোগ্য কৃতিত্ব বুলি অভিহিত কৰা হৈছে। প্ৰসংগক্ৰমে জানুৱাৰী মাহত কক্ষপথত উপনীত হ’লেও বুষ্টাৰখনে নিউ গ্লেনৰ প্ৰথমটো উৎক্ষেপণত অৱতৰণ কৰিব নোৱাৰিলে।
প্ৰতিবেদন অনুসৰি, ২০২৭ চনত ESCAPADE মংগল গ্ৰহত উপস্থিত হ’ব। যেতিয়া পৰৱৰ্তী শৰতত পৃথিৱী আৰু মংগল গ্ৰহ আদৰ্শগতভাৱে শাৰীবদ্ধ হ’ব, তেতিয়া পৃথিৱীৰ মাধ্যাকৰ্ষণ শক্তিয়ে ESCAPADEক মংগল গ্ৰহলৈ যাত্ৰা কৰাত সহায় কৰিব।
