ভাৰতীয় বক্স অফিচৰ শীৰ্ষ দহত প্ৰৱেশ ‘ৰৈ ৰৈ বিনালে’; জুবিনৰ শেষ ছবিখনে কিমান উপাৰ্জন কৰিলে?

প্ৰয়াত কিংবদন্তি শিল্পী জুবিন গাৰ্গৰ শেষৰখন ছবি ‘ৰৈ ৰৈ বিনালে’ক লৈ অসমৰ লগতে সমগ্ৰ দেশেই আকুল হৈ আছিল। মুক্তিৰ প্ৰথম দিনাই ছবিখনে ডেৰ কোটি টকাৰ ওপৰত উপাৰ্জন কৰি অসমৰ বক্স অফিচত আলোড়ণৰ সৃষ্টি কৰিছিল। মুক্তিৰ পূৰ্বেও সমগ্ৰ অসমতে এই ছবিখনৰ টিকটৰ চাহিদা অধিক আছিল।

ৰাজেশ ভূঞাৰ পৰিচালনা আৰু গৰিমা গাৰ্গ আৰু জুবিনৰ প্ৰযোজনাৰ এই ছবিখন অসমীয়া চলচ্চিত্ৰ ইতিহাসৰ ষষ্ঠ সৰ্বাধিক উপাৰ্জনকাৰী অসমীয়া ছবি হিচাপে বিবেচিত হৈছে।

ভাৰতীয় বক্স অফিচতো ৰৈ ৰৈ বিনালেই যথেষ্ট সঁহাৰি লাভ কৰিছে। মিউজিকেল ৰোমান্টিক ছবিখনে ছবিগৃহত দৰ্শকৰ হৃদয় জয় কৰাত সফল হৈছে। ৰৈ ৰৈ বিনালেই চতুৰ্থ সপ্তাহৰ শেষৰ ফালে প্ৰৱেশ কৰি ২০২৫ চনৰ অষ্টম সৰ্বাধিক উপাৰ্জন কৰা ভাৰতীয় ছবি হিচাপে পৰিগণিত হৈছে।

৩১ অক্টোবৰত অসমকে ধৰি সমগ্ৰ দেশতে মুক্তি লাভ কৰা ছবিখনে মুক্তিৰ দিনটোত ১.৮৫ কোটি টকা সংগ্ৰহ কৰি বক্স অফিচত এক নতুন মাইলৰ খুঁটি স্থাপন কৰে। অসমত ২২ দিনত ২৪.৪৯ কোটি টকা সংগ্ৰহ কৰি অসমীয়া চলচ্চিত্ৰ ইতিহাসৰ সৰ্বাধিক উপাৰ্জন কৰা ছবি ৰৈ ৰৈ বিনালে। সেকনিল্কৰ মতে, ছবিখনে ২২ দিনটোত বক্স অফিচত ৩৭ লাখ টকা সংযোজন কৰিছে।

অৱশ্যে তৃতীয় শুকুৰবাৰে ছবিখনে ৪৭ লাখ টকাৰ অলপ কম উপাৰ্জন কৰে।  জুবিন গাৰ্গৰ এই ছবিখনে শনিবাৰ আৰু দেওবাৰে আৰু ভাল উপাৰ্জন কৰিব বুলি আশা কৰা হৈছে। যিয়ে অসমীয়া চিনেমাত ২৫ কোটিৰ মাইলৰ খুঁটি অতিক্ৰম কৰিব, যিটো আগতে কেতিয়াও দেখা যোৱা নাছিল।

ৰৈ ৰৈ বিনালেৰ বক্স অফিচ সংগ্ৰহ চাওক

প্ৰথম সপ্তাহ-১১.৪৮ কোটি

দ্বিতীয় সপ্তাহ-৭.৪৭ কোটি

তৃতীয় সপ্তাহ-৫.১৭ কোটি

২২ তম দিন-৩৭ লাখ

মুঠ-২৪.৪৯ কোটি

বৃহস্পতিবাৰে ৰৈ ৰৈ বিনালেই ছাবাক অতিক্ৰম কৰি ২০২৫ চনৰ দশম সৰ্বাধিক উপাৰ্জন কৰা ভাৰতীয় ছবি হিচাপে পৰিগণিত হয়। লাভ ৩৮৯.৮% বৃদ্ধি পাইছে। কেৱল সেয়াই নহয়, মাৰাঠী ব্লকবাষ্টাৰ দশৱতাৰ (৩৮৩.৬%) অতিক্ৰম কৰি অসমীয়া ছবিখনে নৱম স্থান দখল কৰিছে। ৰাজেশ ভূঞাৰ এই ছবিখনে ৩৯৭.০৮% উপাৰ্জন কৰা কানাড়া ছুপাৰ ডুপাৰ হিট কান্তৰা চেপ্টাৰ ১ক অতিক্ৰম কৰাৰ সম্ভাৱনা আছে।

২০২৫ চনত বক্স অফিচ অনুসৰি ভাৰতীয় চিনেমা

১.লালো-কৃষ্ণ সদা সহায়তে (গুজৰাটী): ০.৫ কোটি/৬০.৯০ কোটি/১২০৮০%

২) ছু ফ্ৰম ছ’ (কানাড়া): ৪.৫ কোটি/৯২.৩৩ কোটি/১৯৫১.৭% ৷

৩) মহাৱতাৰ নৰসিংহ (হিন্দী): ১৫ কোটি/২৪৭.৯৬ কোটি/১৫৫৩%

৪) লিটিল হাৰ্টছ (তেলেগু): ২ কোটি/২৬.৪৭ কোটি/১২২৩.৫%

৫) ছাইয়াৰা (হিন্দী): ৪৫ কোটি/৩৩৭.৬৬ কোটি/৬৫০.৩%

৬) বৌ বুট্টু ভূটা (উড়িয়া): ৩ কোটি/১৬.১৭ কোটি/৪৩৯%

৭) লোকা চেপ্টাৰ ১ (মালয়ালম): ৩০ কোটি/১৫৫.৯৪ কোটি/৪১৯.৮%

৮) কান্তাৰা চেপ্টাৰ ১ (কানাড়া): ১২৫ কোটি/৬২১.৩৫ কোটি/৩৯৭.০৮%

৯) ৰৈ ৰৈ বিনালে (অসমীয়া): ৫ কোটি/২৪.৪৯ কোটি/৩৮৯.৮%

১০) দশৱতাৰ (মাৰাঠী): ৫ কোটি/২৪.১৮ কোটি/৩৮৩.৬% ৷

ৰৈ ৰৈ বিনালে বক্স অফিচ (২২ দিনত)

বাজেট-৫ কোটি টকা

ভাৰতীয় সংগ্ৰহ-২৪.৪৯ কোটি

ভাৰতীয় মুঠ সংগ্ৰহ-২৮.৮৯ কোটি

ROI(বিনিয়োগৰ ওপৰত লাভ)-৩৮৯.৮%

ফ্লপ নে হিট-ছুপাৰ হিট