দেশৰ বিখ্যাত পান মছলা কোম্পানী কমলা পছন্দৰ মুৰব্বী কমল কিশোৰ চৌৰসিয়াৰ বোৱাৰীৰ অভাৱনীয় মৃত্যু ঘটে। মঙলবাৰে দক্ষিণ দিল্লীৰ বসন্ত বিহাৰৰ চৌৰসিয়াৰ ঘৰৰ পৰা উদ্ধাৰ কৰে দীপ্তী চৌৰসিয়াৰ মৃতদেহ। আত্মহত্যা কৰা বুলি অভিযোগ উঠিছে। মৃতদেহটোৰ কাষৰ পৰা এখন চুইচাইড নোট উদ্ধাৰ কৰে আৰক্ষীয়ে। সমগ্ৰ ঘটনাৰ তদন্ত আৰম্ভ কৰিছে আৰক্ষীয়ে।
উল্লেখ্য যে কমল কিশোৰৰ পুত্ৰ হৰপ্ৰীতে ২০১০ চনত দীপ্তী চৌৰসিয়াৰ সৈতে বিবাহপাশত আবদ্ধ হয়।তেওঁলোকৰ ১৪ বছৰীয়া পুত্ৰ সন্তান। সংবাদ সংস্থা এ এন আইৰ এক প্ৰতিবেদন অনুসৰি মঙলবাৰে বিয়লি ঘৰৰ ভিতৰৰ পৰা দীপ্তিৰ ওলমি থকা মৃতদেহ উদ্ধাৰ কৰা হয়। সূত্ৰৰ পৰা জানিব পৰা মতে, নিজৰ ওৰণিৰে ফাঁচী দি আত্মহত্যা কৰে। পৰিয়ালৰ লোকে ঘটনাটো দেখি আৰক্ষীক খবৰ দিয়াৰ লগে লগে আৰক্ষী আহি মৃতদেহটো উদ্ধাৰ কৰি দিল্লীৰ চফদৰজং হাস্পতাললৈ প্ৰেৰণ কৰে। মৃতদেহটোৰ কাষতে উদ্ধাৰ হৈছে এখন ছুইচাইড নোট। যদিও তেঁও মৃত্যুৰ বাবে পৰিয়ালৰ কাকো দোষ নিদিলে, তথাপিও দীপ্তিয়ে নিজৰ আত্মহত্যাৰ টোকাত লিখিছে, “যদি সম্পৰ্কত প্ৰেম আৰু বিশ্বাস নাথাকে, তেন্তে জীৱনটো অৰ্থহীন।” চুইচাইড নোটৰ ভিত্তিত তদন্তকাৰীয়ে সন্দেহ কৰিছে যে দীপ্তিয়ে স্বামী হৰপ্ৰীতৰ সৈতে সম্পৰ্কত অসুবিধাৰ সন্মুখীন হৈছিল। এই চৰম পদক্ষেপৰ কাৰণ এইটোৱেই।
দিল্লীৰ বসন্ত বিহাৰ আৰক্ষীয়ে এফআইআৰ দাখিল কৰি ঘটনা সন্দৰ্ভত তদন্ত আৰম্ভ কৰিছে। প্ৰাৰম্ভিক তদন্তত হৰপ্ৰীতৰ সৈতে সম্পৰ্কৰ অসুবিধাৰ বাবে দীপ্তিয়ে এই অপৰাধ সংঘটিত কৰা বুলি সন্দেহ প্ৰকাশ কৰিছে আৰক্ষীয়ে। যদিও নিশ্চিতভাৱে হোৱা নাই একাধিক সংবাদ মাধ্যমৰ সূত্ৰ অনুসৰি হৰপ্ৰীতে দীপ্তীৰ সৈতে আন এগৰাকী মহিলাকো বিয়া কৰাইছিল। যিগৰাকী এগৰাকী জনপ্ৰিয় অভিনেত্ৰী বুলি কোৱা হয়। এই সন্দৰ্ভত এতিয়াৰ বাবে স্পষ্টকৈ একো ক’বলৈ অনিচ্ছুক আৰক্ষীয়ে। ঘটনা সন্দৰ্ভত তদন্ত আৰম্ভ কৰা হৈছে।
