গুৱাহাটী পৌৰ নিগমৰ প্ৰাক্তন মেয়ৰ, কংগ্ৰেছ নেতা আবিৰ পাত্ৰৰ মৃত্যুত গভীৰ শোক প্ৰকাশ কৰি পৰিয়াললৈ সমবেদনা জ্ঞাপন কৰিছে মুখ্য মন্ত্ৰী সৰ্বানন্দ সোণোৱালে।
গুৱাহাটী পৌৰ নিগমৰ মেয়ৰ হিচাপে আবিৰ পাত্ৰই মহানগৰীৰ উন্নয়ন তথা সমস্যা সমাধানৰ ক্ষেত্ৰত ‘যথেষ্ট সেৱা আগবঢ়াই গৈছে’ বুলি উল্লেখ কৰি সোণোৱালে কয় যে পাত্ৰৰ বিনম্ৰতা আৰু সৰল জীৱনশৈলীয়ে সকলোকে আকৃষ্ট কৰিছিল।
উল্লেখযোগ্য যে গুৱাহাটীৰ এপল’ চিকিৎসালয়ত আজি ১৫ জুনৰ পুৱা ৭.২০ বজাত পাত্ৰই শেষ নিশ্বাস ত্যাগ কৰিছিল।
