এ পি এছ চি কেলেংকাৰীত অভিযুক্ত কাৰাবন্দী হৈ থকা ২১ জন ৰাজপত্ৰিত বিষয়াৰ জামিন আবেদন শুকুৰবাৰে পুনৰ নাকচ কৰিছে বিশেষ ন্যায়াধীশৰ আদালতে।
‘অভিযুক্তসকলে অন্য প্ৰাৰ্থীক বঞ্চিত কৰি চৰকাৰী চাকৰি পাবৰ কাৰণে আন অভিযুক্তক ধন আদায় দিছিল। তেওঁলোকে চৰকাৰী চাকৰি লাভ কৰিবলৈ অসৎ আৰু দুৰ্নীতিৰ উপায় অৱলম্বন কৰিছিল যিটোৱে সামগ্ৰিকভাৱে গোটেই সমাজখনকে ক্ষতি কৰিছে।‘ বিশেষ ন্যায়াধীশৰ আদালতে এইদৰে মন্তব্য কৰি অভিযুক্ত ২১ জন বিষয়াৰ জামিন আবেদন নাকচ কৰে।
ৰাজ্যৰ সৰ্ববৃহৎ নিযুক্তি কেলেংকাৰী সংঘটিত কৰা অসম লোকসেৱা আয়োগৰ দুৰ্নীতিৰ গোচৰত বৰ্তমান কাৰাবন্দী হৈ থকা ২১ জন ৰাজপত্ৰিত বিষয়াই জামিন বিচাৰি বিশেষ ন্যায়াধীসৰ আদালতত জামিন আবেদন কৰিছিল যদিও আদালতে তেওঁলোকৰ জামিন নামাঞ্জুৰ কৰে।
জামিন আবেদন নাকচ কৰা এই ২১জন ৰাজপত্ৰিত বিষয়া হৈছে ক্ৰমে –জয়ন্ত কুমাৰ নাথ, চাবিৰা ইমৰাণ, দেবজিৎ বৰা, গীতালি দলে, সুনয়না আইদেউ, ৰাজৰ্ষি সেন ডেকা, ৰুমী শইকীয়া, দ্বিথুন বৰগয়াৰী, সুদীপ্তা গোস্বামী ভট্টাচাৰ্য, কুনাল দাস, জ্যোতিৰ্ময় অধিকাৰী, বৰ্ণালী দেবী, কৌশিক কলিতা, দীপক খনিকৰ, বদৰুল ইছলাম চৌধুৰী, যতীন্দ্ৰ প্ৰসাদ বৰুৱা, প্ৰসেনজিৎ কুমাৰ ঘোষ, হিমাংশু চৌধুৰী, মানস প্ৰতীম হালৈ, জয়দেৱ মহন্ত আৰু হেমন্ত শইকীয়া।