ৰংজুলি আৰক্ষী থানাৰ অন্তৰ্গত পুখুৰীপাৰাত এহাল যুৱক যুৱতীক নিৰ্মমভাৱে নিৰ্যাতন চলোৱা মৰেল পুলিচৰ বিৰুদ্ধে ৰংজুলি আৰক্ষীৰ অভিযান অব্যাহত আছেl
সমগ্ৰ ৰাজ্যখনতে চাঞ্চল্যৰ সৃষ্টি কৰা পুখুৰীপাৰাৰ এই জঘন্য ঘটনাটোৰ পিছত ৰংজুলি আৰক্ষীয়ে ইতিমধ্যে Case no: 73/18. মৰ্মে Section No :120 B/143/342/325/354 B নং LPCৰ অধীনত গোচৰ ৰুজু কৰি অপৰাধীৰ বিৰুদ্ধে অভিযান চলাই কুৰবান আলী আৰু জোনাৱ আলী নামৰ দুজন মৰেল পুলিচক গ্ৰেপ্তাৰ কৰাৰ পিছত শুকুৰবাৰে আন এজন অপৰাধী আৰক্ষীৰ জালত পৰিছেl
আৰক্ষীৰ হাতত ধৃত লোক জনক পুখুৰীপাৰাৰ ৰফিজুদ্দিন শেখ (১৯)বুলি জানিব পৰা গৈছে। ঘটনাটো সন্দৰ্ভত এতিয়ালৈ তিনিজন অপৰাধীক গ্ৰেপ্তাৰ কৰা হৈছে l
ঘটনাটোত জড়িত আন অপৰাধীসকল পলাই আছে যদিও তেওঁলোকক কৰায়ত্ব কৰাৰ বাবে অভিযান চলি থাকিব বুলি আৰক্ষীয়ে জানিবলৈ দিয়ে l
উল্লেখোগ যে কেইদিনমান পূৰ্বে কিছুমান লোকে এহাল যুৱক-যুৱতীক নিৰ্মমভাৱে প্ৰহাৰ কৰাৰ ভিডিঅ’ ছচিয়েল মিডিয়াত ভাইৰেল হৈ পৰিছিল। ইয়াত যুৱক এজনে এগৰাকী যুৱতীক বাঁহৰ লাঠিৰে নিৰ্মম প্ৰহাৰ কৰা দেখা গৈছিল। ঘটনাটো সংঘটিত হৈ থকা সময়ত ভালেকেইগৰাকী লোকে নীৰৱ দৰ্শকৰ ভূমিকা পালন কৰি থকা দেখা গৈছিল।
