অসমৰ মুখ্যমন্ত্ৰী হিমন্ত বিশ্ব শৰ্মাই এক ডাঙৰ ঘোষণা কৰিছে। ৰাজ্য চৰকাৰৰ কেবিনেট বৈঠকত ইউনিফৰ্ম চিভিল কোড বা চমুকৈ ইউ চি চি বিধেয়কৰ খচৰাত অনুমোদন জনোৱা হৈছে। এই সিদ্ধান্তৰ কথা ৰাজহুৱা কৰি মুখ্যমন্ত্ৰীগৰাকীয়ে স্পষ্ট কৰি দিছে যে চৰকাৰে এই বিধেয়কখন অতি সোনকালেই সদনৰ মজিয়াত দাঙি ধৰাৰ বাবে প্ৰস্তুতি সম্পূৰ্ণ কৰি তুলিছে।
মুখ্যমন্ত্ৰীগৰাকীয়ে জানিবলৈ দিয়া মতে, চলিত অসম বিধানসভাৰ অধিৱেশনৰ একেবাৰে শেষৰ দিনটোত এই বিধেয়কখন সদনত উত্থাপন কৰা হ’ব। অহা ২৬ মে’ তাৰিখে এই বিধানসভাৰ অধিৱেশনৰ সামৰণি পৰিব। সেয়েহে, ৰাজ্য চৰকাৰে সেই দিনটোতেই এই গুৰুত্বপূৰ্ণ বিধেয়কখন বিধানসভাত আনুষ্ঠানিকভাৱে উত্থাপন কৰাৰ সিদ্ধান্ত গ্ৰহণ কৰিছে।
