ৰাষ্ট্ৰীয় মানৱাধিকাৰ আয়োগৰ এটা ৩জনীয়া দলে শ্বিলঙত শেহতীয়াকৈ সংঘটিত হিংসাত্মক ঘটনা সন্দৰ্ভত অনুসন্ধানৰ পাছত নতুন দিল্লীলৈ উভতি গৈছে।
উভতি যোৱাৰ আগতে ৰাষ্ট্ৰীয় মানৱাধিকাৰ আয়োগৰ গোটটোৱে পূব খাছি পাহাৰৰ জিলা উপায়ুক্তগৰাকীক সাক্ষাৎ কৰি জিলা প্ৰশাসনে প্ৰস্তুত কৰা প্ৰতিৱেদনটো গ্ৰহণ কৰে। যোৱা মে’ মাহত শ্বিলঙৰ ছুইপাৰ লেনত ঘটা এটা সৰু ঘটনাৰ পাছত তাত হিংসাত্মক পৰিস্থিতিৰ উদ্ভৱ হৈছিল আৰু সমগ্ৰ শ্বিলঙলৈ এই অশান্তি বিয়পি গৈছিল।
প্ৰথমতে ৰাষ্ট্ৰীয় মানৱাধিকাৰ আয়োগৰ সঁজাতী দলটোৱে পাঞ্জাবী লেনৰ বাসিন্দাসকলৰ সাক্ষ্য গ্ৰহণ কৰিছিল। আৰু তাৰ পাছদিনা আহত খাছিয়া লোকসকলৰ সাক্ষাৎ গ্ৰহণ কৰিছিল।
তাৰ পাছত সংবাদ মাধ্যমৰ আগত উপায়ুক্তগৰাকীয়ে কয় যে ৰাষ্ট্ৰীয় মানৱাধিকাৰ আয়োগৰ সঁজাতী দলটোৱে ৰাজ্যৰ বাহিৰত ৰাষ্ট্ৰীয় সংবাদ মাধ্যম সমূহে প্ৰচাৰ কৰাৰ এখন বিপৰীত চিত্ৰ দেখা পাইছে।
মানৱাধিকাৰ আয়োগৰ সঁজাতী দলটোৱে হিংসাত্মক ঘটনা হোৱাৰ সময়চোৱাত সেই স্থানত নিয়োজিত চিকিৎসাকৰ্মীসকলৰ উপৰিও পূব খাছি পাহাৰৰ আৰক্ষী বিষয়াসকল আৰু এই স্থানত নিয়োজিত দণ্ডাধীশকো সাক্ষাত কৰে।
মানৱাধিকাৰ আয়োগৰ সঁজাতী দলটোৰ হাতত নগৰ আৰু পৌৰ পৰিক্ৰমা বিভাগৰ পৰাও প্ৰতিৱেদন প্ৰদান কৰা হয়।
