ৰাষ্ট্ৰীয় স্বয়ংসেৱক সংঘৰ সৰসংঘচালক মোহন ভাগৱতৰ নিউয়ৰ্কৰ ঐতিহাসিক মেডিচন স্কোৱাৰ গাৰ্ডেনত অনুষ্ঠিত হ’বলগীয়া এক কাৰ্যসূচীক সমৰ্থন নকৰে বুলি স্পষ্ট কৰি দিছে নিউয়ৰ্ক চহৰৰ মেয়ৰ জোহৰান মামদানিয়ে। মঙলবাৰে এই সন্দৰ্ভত নিজৰ অসন্তুষ্টি প্ৰকাশ কৰিলেও তেওঁ কয় যে এইটো এটা “ব্যক্তিগত” অনুষ্ঠান হোৱাৰ বাবে পৌৰ প্ৰশাসনৰ ইয়াক বাতিল কৰাৰ কোনো আইনী অধিকাৰ নাই।
ৰাষ্ট্ৰীয় স্বয়ংসেৱক সংঘৰ শতবৰ্ষ উদযাপন উপলক্ষে আয়োজিত গোলকীয় কাৰ্যসূচীৰ অংশ হিচাপে আৰ এছ এছ প্ৰধান মোহন ভাগৱত ইতিমধ্যে আমেৰিকা যুক্তৰাষ্ট্ৰত উপস্থিত হৈছে। নিউয়ৰ্ক ভ্ৰমণৰ সময়ছোৱাত তেওঁ ‘ইউনিভাৰ্চেল ৱাননেছ’ শীৰ্ষক এক বিশেষ কাৰ্যসূচীত অংশগ্ৰহণ কৰিব।
অহা ২৯ আগষ্ট, শনিবাৰে বিখ্যাত মেডিচন স্কোৱাৰ গাৰ্ডেনত আয়োজিত এই অনুষ্ঠানত প্ৰায় ৫,০০০ প্ৰবাসী ভাৰতীয়ৰ এক বিশাল সমাৱেশক উদ্দেশ্যি আৰ এছ এছ প্ৰধানগৰাকীয়ে ভাষণ প্ৰদান কৰাৰ কথা আছে।
