২০২৫ চনত চৰকাৰী বিভাগসমূহৰ বিৰুদ্ধে ৭০,৫০০ৰো অধিক দুৰ্নীতিৰ অভিযোগ দাখিল হৈছিল।এই অভিযোগৰ শীৰ্ষত আছে বেংক আৰু ৰে’লৱে। কেন্দ্ৰীয় ভিজিলেঞ্চ কমিছনৰ এক প্ৰতিবেদনত এই কথা দাবী কৰা হৈছে।
মুখ্য ভিজিলেন্স বিষয়াসকলৰ ওচৰত মুঠ ৭০,৫৮৪টা অভিযোগ দাখিল কৰা হয়। ইয়াৰে সংশ্লিষ্ট বছৰৰ ৩১ ডিচেম্বৰলৈকে ৬৪,৯০৫টা অভিযোগ নিষ্পত্তি কৰা হৈছিল। বাকী ৫৬৭৯টা অভিযোগ বিচাৰাধীন হৈ আছিল। ইয়াৰে ২০২টা অভিযোগ তিনিমাহতকৈ অধিক সময় ধৰি বিচাৰাধীন হৈ আছিল।
২০২৫ চনৰ চিভিচি বাৰ্ষিক প্ৰতিবেদনত কোৱা হৈছে যে বেংকৰ বিৰুদ্ধে সৰ্বাধিক অভিযোগ মুখ্য ভিজিলেঞ্চ বিষয়া (চিভিঅ’)ৰ ওচৰত দাখিল কৰা হৈছে। মুঠ ৯,৯৩৩ টা। ইয়াৰে ৯৫২০টা নিষ্পত্তি কৰা হৈছে। বিচাৰধীন অভিযোগৰ সংখ্যা ৪১৩টা। ইয়াৰে ৫২টা তিনিমাহতকৈ অধিক পুৰণি।
ইয়াৰ উপৰিও চিভিঅ’ৰ ওচৰত ৰে’লৱেৰ বিৰুদ্ধে ৯,৩৮১টা অভিযোগ দাখিল কৰা হয়। ইয়াৰে ৮,৭৫৪ টা নিষ্পত্তি কৰা হয়। ২০২৫ চনৰ ৩১ ডিচেম্বৰলৈকে বিচাৰাধীন অভিযোগৰ সংখ্যা আছিল ৬২৭টা। গৃহ নিৰ্মাণ আৰু নগৰ উন্নয়ন বিভাগৰ বিৰুদ্ধে অভিযোগ উত্থাপন হৈছিল ৬,৫৩১টা।
যোৱা বছৰ লাভ কৰা অভিযোগৰ ভিতৰত ৪১১৮টা কয়লা খণ্ডত কৰ্মৰত শ্ৰমিকৰ সৈতে জড়িত, ৩১০৭টা বিত্ত খণ্ডত, ২৮০৪টা দিল্লী চৰকাৰৰ বিৰুদ্ধে আৰু ২৭২২টা পেট্ৰলিয়াম মন্ত্ৰালয়ৰ সৈতে জড়িত।
দিল্লী আৰক্ষীৰ বিৰুদ্ধে মুঠ ২৬৩৩খন এজাহাৰ দাখিল কৰা হয়। পথ পৰিবহণ আৰু ঘাইপথ মন্ত্ৰালয়ৰ বিৰুদ্ধে ২,১৩৯, গৃহ মন্ত্ৰালয়ৰ বিৰুদ্ধে ২,০৩৬ টা অভিযোগ দাখিল হয়।
প্ৰতিবেদনত কোৱা হৈছে যে যোৱা বছৰ মানৱ সম্পদ উন্নয়ন মন্ত্ৰালয়ৰ বিৰুদ্ধে ২৩০০টা, শ্ৰম মন্ত্ৰালয়ৰ বিৰুদ্ধে ১৮৯৪ টা, বীমা কোম্পানীৰ বিৰুদ্ধে ১৫৩৬টা আৰু দূৰসংযোগৰ সৈতে জড়িত ১৪৬৯ টা দুৰ্নীতিৰ অভিযোগ দাখিল কৰা হয়।
প্ৰতিবেদনত লগতে কোৱা হৈছে যে প্ৰতিৰক্ষা মন্ত্ৰালয়ৰ বিৰুদ্ধে মুঠ ১৪১০টা, গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰালয়ৰ বিৰুদ্ধে ১১২৩টা, তীখা মন্ত্ৰালয়ৰ বিৰুদ্ধে ১০২৩টা আৰু ডাক বিভাগৰ বিৰুদ্ধে ১০০৩টা দুৰ্নীতিৰ অভিযোগ দাখিল কৰা হৈছিল।
