অৰুণাচলৰ মুখ্য সচিব সত্য গোপালে আজি ১১ ডিচেম্বৰ মঙলবাৰে ৰাজ্যখনৰ মুখ্য অভিযন্তাসকলক প্ৰকল্পসমূহৰ প্ৰয়োজনীয় নথি জমা দিয়াৰ বাবে নিৰ্দেশ দিছে। ৰাজ্যখনত নন লেপছেবল চেণ্ট্ৰেল পুল অব ৰিছোৰ্চেজ আৰু নৰ্থ ইষ্ট স্পেচিয়েল ইফ্ৰাষ্টাকছাৰ ডেভেলপমেণ্ট স্কীমৰ অধীনত চলি থকা আৰু সম্পন্ন হোৱা প্ৰকল্পসমূহৰ নথিৰ সন্দৰ্ভত মুখ্য সচিবগৰাকীয়ে এই নিৰ্দেশ দিছে।
মুখ্য সচিবগৰাকীয়ে ড’নাৰ সচিব নৱীন ভাৰ্মাৰ সৈতে হোৱা এটা ভিডিঅ’ কনফাৰেঞ্চিঙৰ পাছত এই নিৰ্দেশ দিয়ে। ড’নাৰ সচিবগৰাকীৰ ওপৰোক্ত আঁচনিসমূহৰ অধীনত চলি থকা আৰু সম্পূৰ্ণ হোৱা কাম কাজসমূহ পুনৰীক্ষণ কৰিছিল।
পূব কামং জিলাৰ ৰামকৃষ্ণ সাৰদা মিশ্যন স্কুল, চাংলাঙৰ ৰাংফ্ৰা গভৰ্নমেণ্ট কলেজ আদি প্ৰকল্পসমূহৰ কাম-কাজ ড’নাৰ সচিবগৰাকীয়ে পুনৰীক্ষণ কৰিছিল।
মুখ্য সচিবগৰাকীয়ে সময়মতে জমা দিবলৈ নিৰ্দেশ দিয়া নথিসমূহৰ মাজত আছে ৩মহীয়া উন্নয়ন প্ৰতিৱেদন, উপযোগিতা প্ৰমাণপত্ৰ, প্ৰকল্প সম্পন্ন হোৱাৰ প্ৰতিৱেদন আদি আছে।
গোপালে কৈছে যে এই নথিসমূহ ড’নাৰ মন্ত্ৰ্যালয়ৰ প্ৰয়োজন। এই নথিসমূহ জমা দিলেহে কাৰ্যবাহী বিভাগে সংশ্লিষ্ট প্ৰকল্পসমূহৰ ২য়, ৩য় কিস্তিৰ ধনসমূহ মোকোলাই দিব।
