ৰিপাব্লিক টিভি আৰু চেনেলটোৰ মুখ্য সম্পাদক, অসম সন্তান অৰ্ণৱ গোস্বামীৰ বিৰুদ্ধে দিল্লী আৰক্ষীক এজাহাৰ দাখিল কৰি তদন্তৰ নিৰ্দেশ দিছে পাটিয়ালা হাউছ ক’ৰ্টে।
কংগ্ৰেছ সাংসদ শশী থাৰুৰৰ অভিযোগৰ আধাৰত মেট্ৰ’পলিটান দণ্ডাধীশ ধৰ্মেন্দৰ সিঙে গোস্বামী আৰু টিভি চেনেলটোৰ বিৰুদ্ধে যোৱা ২১ জানুৱাৰিত এই নিৰ্দেশ দিছে, বাৰ এন্দ বেঞ্চ-ৰ বাতৰিত প্ৰকাশ।
থাৰুৰ-পত্নী সুনন্দা পুষ্কৰৰ মৃত্যু সম্পৰ্কীয় গোপন নথি-পত্ৰত হাত দিয়া (accessing) আৰু “নিউজ চেনেলটোৰ দৰ্শক বঢ়োৱাৰ চেষ্টাত” সাংসদগৰাকীৰ বিৰুদ্ধে ইচ্ছাকৃতভাৱে “মানহানিকৰ” মন্তব্য কৰাৰ অভিযোগত এই নিৰ্দেশ দিছে আদালতখনে।
আদালতৰ সম্পূৰ্ণ নিৰ্দেশটোৰ বাবে ইয়াত ক্লিক কৰক
অৰ্ণৱ গোস্বামীয়ে হাত কৰা গোপনীয় নথিসমূহ পুষ্কৰৰ মৃত্যু সম্পৰ্কীয় গোচৰটোৰ তদন্ত প্ৰতিবেদন আৰু আৰক্ষীৰ “অভ্যন্তৰীণ ন’টিং”ৰ অংশ, থাৰুৰৰ অভিযোগ।
গোস্বামীৰ বিৰুদ্ধে আন এক ভয়ংকৰ অভিযোগ, থাৰুৰৰ “বিনা সন্মতি”ত তেওঁৰ ইমে’ইলৰ তথ্য খুচৰিছিল (accessing) চেনেলটোৱে।
আদালতে থাৰুৰৰ অভিযোগসমূহ আৰু তেওঁ দাখিল কৰা আৰ টি আই উত্তৰ আৰু অন্যান্য তথ্য পৰীক্ষা কৰি বিষয়টোক “বিচাৰযোগ্য” বুলি মানি লৈছে।
