দিল্লী বিশ্ববিদ্যালয়ে এপ্ৰিলত হ’বলগা নামভৰ্তি প্ৰক্ৰিয়াৰ পূৰ্বে উত্তৰ-পূৰ্বাঞ্চলৰপৰা অধিক ছাত্ৰ-ছাত্ৰীক আকৰ্ষণ কৰাৰ উদ্দেশ্যে এক অভিযান আৰম্ভ কৰিছে।
বিশ্ববিদ্যালয়খনৰ এটা বিশেষ কোষে বিশ্ববিদ্যালয়খনৰ নামভৰ্তি প্ৰক্ৰিয়া সন্দৰ্ভত অৱগত কৰাৰ উদ্দেশ্যে উত্তৰ-পূৰ্বাঞ্চলৰ বিদ্যালয়সমূহ ভ্ৰমণ কৰাৰো সিদ্ধান্ত গ্ৰহণ কৰিছে।
তাৰোপৰি এই সম্ভ্ৰান্ত শিক্ষানুষ্ঠানটোৱে সংৰক্ষিত শ্ৰেণীৰ ছাত্ৰ-ছাত্ৰ্ৰীক উৎসাহিত কৰাৰ বাবে অন্য পিছ পৰা শ্ৰেণীৰ (অ’বিচি) মহিলাক কাট-অফ নম্বৰৰ ক্ষেত্ৰত ২% ৰেহাই দিয়াৰো ঘোষণা কৰিছে।
বিশেষ কোষটোৰ মুৰব্বী মহাৰাজ কে পণ্ডিতে সাংবাদিকসকলক জনায়, ‘দিল্লী বিশ্ববিদ্যালয়ৰ নামভৰ্তি সমিতিয়ে উত্তৰ-পূৰ্বাঞ্চলৰ বাবে এটা বিশেষ কোষ গঠন কৰা আৰু আমাৰ নামভৰ্তি প্ৰক্ৰিয়া সম্পৰ্কে অৱগত কৰাৰ বাবে অঞ্চলটোৰ ছাত্ৰ-ছাত্ৰীসকল আৰু অধ্যক্ষসকলক লগ কৰাৰ বাবে সিদ্ধান্ত গ্ৰহণ কৰিছে।’
তেওঁ লগতে কয়, ‘উত্তৰ-পূৰ্বাঞ্চলৰ ছাত্ৰ-ছাত্ৰীসকলক সহায় কৰাৰ বাবে প্ৰত্যেক কলেজতে থকা সমন্বয়ৰক্ষী বিষয়াসকলকো এই কোষটোৱে নিৰীক্ষণ কৰিব।’
উৎসঃ টাইমছ অৱ ইণ্ডিয়া
