আজি শিৱসাগৰৰ ষ্টেশ্যন চাৰিআলিস্থিত ৰংপুৰজ্যোতি ক্লাবত সদৌ অসম সংখ্যালঘু ছাত্ৰ য়ুনিয়ন (আমছু) শিৱসাগৰ জিলা সমিতিৰ বৰ্ধিত কাৰ্যনিৰ্বাহক সভা অনুষ্ঠিত হয়। দিনৰ প্ৰায় ১১ বজাৰ পৰা অনুষ্ঠিত এই সভাত জিলাখনৰ শতাধিক সদস্যই অংশ গ্ৰহণ কৰে।
আমছুৰ শিৱসাগৰ জিলা সমিতিৰ সভাপতি ইউনিছ তামুলীৰ সভাপতিত্বত অনুষ্ঠিত কাৰ্যনিৰ্বাহক সভাৰ উদ্দেশ্য বাখ্যা কৰে আমছুৰ শিৱসাগৰ জিলা সমিতিৰ সাধাৰণ সম্পাদক ৰেকিবুদ্দিন আহমেদে। উক্ত সভাত জিলাখনৰ বহুকেইটা দল সংগঠনৰ প্ৰায় চল্লিশজন মান সদস্যই শিৱসাগৰ জিলা আমছুত যোগদান কৰে।
কাৰ্যনিৰ্বাহক সভাত আমছুৰ শিৱসাগৰ জিলা সমিতিৰ উপদেষ্টা আতিকুৰ ৰহমান, কামালুদ্দিন ডাঙৰীয়া, ইউছুফ তামুলী, উপ সভাপতি আহমদ আলি, জেঙনিকটীয়া যুৱ সমাজৰ সাধাৰণ সম্পাদক মুকিবুদ্দিন আহমেদ আৰু শিৱসাগৰৰ বিভিন্ন আঞ্চলিক সদস্য উপস্থিত থাকে।
উল্লেখ্য যে কেইমাহমানৰ আগত আমছুৰ ভালেসংখ্যক নেতা কৰ্মীয়ে পদত্যাগ কৰাত শিৱসাগৰ এক প্ৰকাৰ আমছু শূন্য হৈ পৰিছিল। কিন্তু পৰৱৰ্তী সময়ত ইউনিচ তামুলী, ৰেকিবুদ্দিন আহমেদৰ একান্ত প্ৰচেষ্টাত জিলাখনত সংগঠনটো পুনৰ সক্ৰিয় হৈ পৰা দেখা গৈছে।
