শিলচৰ চিকিৎসা মহাবিদ্যালয় আৰু হাস্পাতালৰ অধীক্ষক অধীক্ষক অনিন্দ্য সুন্দৰ বৈশ্যক যোৱা শুকুৰবাৰে গ্ৰেপ্তাৰ কৰাৰ পাছত দুদিনৰ বাবে আৰক্ষীৰ জিম্মালৈ প্ৰেৰণ কৰা হয়।
বিত্তীয় পুজিৰ খেলিমেলিৰ বাবে বিগত সাতমাহ ধৰি বৈশ্য নিলম্বিত হৈ আছিল।
শুকুৰবাৰে বিয়লি কাছাৰৰ মুখ্য ন্যায়িক দণ্ডাধীশৰ আগত কৰাৰ পাছত বৈশ্যক শিলচৰ চিকিৎসা মহাবিদ্যালয় ও হাস্পাতালৰ আই চি য়ুত ভৰ্তি কৰা হয়।
অতিৰিক্ত আৰক্ষী অধীক্ষক জগদীশ দাসে ‘নৰ্থইষ্ট নাও’ক কয়,’’ আমি শিলচৰ চিকিৎসা মহাবিদ্যালয় ও হাস্পাতালৰ অধ্যক্ষ বাবুল বেজবৰুৱাই যোৱা ১৭ এপ্ৰিলত দাখিল কৰা এখন এজাহাৰৰ ভিত্তিত বৈশ্যক গ্ৰেপ্তাৰ কৰিছো।‘’
তেওঁ লগতে কয়,’’ আমি বিগত দিন কেইটাত তেওঁৰ সন্দৰ্ভত বিতং অনুসন্ধান চলোৱাৰ পাছত শুকুৰবাৰে বৈশ্যক গ্ৰেপ্তাৰ কৰিছো। তেওঁৰ বিৰুদ্ধে ভাৰতীয় দণ্ডবিধিৰ ৪০৯ আৰু ৪২০ ধাৰাৰ অধীনত এট গোচৰ পঞ্জীয়ন কৰা হৈছে।
দাসে লগতে প্ৰকাশ কৰে যে বৈশ্যই ৩ ওকটি টকাতকৈয়ো অধিক ধনৰ ‘’পুজিৰ খেলিমেলি’ কৰিছে। তেওঁ কয় যে পৰৱৰ্তী পৰ্যায়ৰ তদন্ত চলি আছে।
অনিন্দ্য সুন্দৰ বৈশ্যৰ এগৰাকী আত্মীয় প্ৰশ্ন তুলিছে,‘’ যোৱা ১০ এপ্ৰিলত গুৱাহাটী উচ্চ ন্যায়ালয়ে বৈশ্যক ‘নিলম্বন প্ৰত্যাহাৰ’ৰ নিৰ্দেশ দিছিল। আমাক আচৰিত কৰি তোলা কথাটো হৈছে আদালত নিৰ্দেশৰ পাছতো অধ্যক্ষই তেওঁৰ বিৰুদ্ধে কিয় এখন নতুন এজাহাৰ দাখিল কৰিলে?’’
‘নৰ্থইষ্ট নাও’য়ে উচ্চ ন্যায়ালয়ৰ নিৰ্দেশৰ কপিটো লাভ কৰিছে য’ত স্পষ্টকৈ কোৱা হৈছে যে ‘’ অনিন্দ্য সুন্দৰ বৈশ্যক পুনৰ চাকৰিত মকৰল কৰিব লাগে, কিন্তু চিকিৎসা মহাবিদ্যালয় কৰ্তৃপক্ষৰ তেওঁৰ বিৰুদ্ধে বিভাগীয় তদন্ত চলোৱাৰ ক্ষেত্ৰত স্বাধীনতা থাকিব।‘’
চৰকাৰী অধিবক্তা ধৰ্মানন্দ দেবে কয়,‘’অনিন্দ্য সুন্দৰ বৈশ্যৰ অধিবক্তাই দাখিল কৰা এখন আবেদনত প্ৰকাশ কৰিছে যে চিকিৎসা অধীক্ষকগৰাকীৰ জামিন মঞ্জুৰ কৰিব লাগে কিয়নো তেওঁ এগৰাকী মধুমেহ আৰু উচ্চ ৰক্তচাপৰ ৰোগী। মুখ্য ন্যায়িক দণ্ডাধীশে বৈশ্যৰ জামিন নাকচ কৰে আৰু তেওঁক দুদিনৰ আৰক্ষীৰ জিম্মালৈ প্ৰেৰণ কৰে।‘’
