সোমবাৰে মুম্বাইত হোৱা প্ৰৱল বৰষুণৰ বাবে আকাশী পথেৰে গুৱাহাটীৰ পৰা মুম্বাইলৈ যাত্ৰা কৰিবলগীয়া যাত্ৰীসকলে সময়মতে লক্ষ্যস্থানত উপস্থিত হোৱাত যথেষ্ট অসুবিধাৰ সন্মুখিন হ’বলগীয়া হৈছে।
মুম্বাই আন্তঃৰাষ্ট্ৰীয় বিমান বন্দৰত ৰাতিপুৱা ৯.১২ ৰ পৰা ৯.৩১ লৈ প্ৰবল বৰষুণৰ বাবে বিমান সেৱা বাতিল কৰা হয়।
মুম্বাইৰ পৰা আহিবলগীয়া আৰু মুম্বাইলৈ যাবলগীয়া সকলো ধৰণৰ বিমানৰ সেৱা পলম হোৱাৰ সময়তে গুৱাহাটীৰ পৰা ৮.৪০ ত উৰা মৰা এখন ইণ্ডোগো বিমান ১২ মিনিট পলমকৈ মুম্বাই বিমানবন্দৰত অৱতৰণ কৰে। বিমানখনে কিছু সময় নাচিকৰ আকাশমণ্ডলত উৰণ অব্যাহত ৰাখিবলগীয়া হৈছিল।
ৰঞ্জণ দাস নামৰ গুৱাহাটীৰ এগৰাকী ব্যৱসায়ীয়ে মুম্বাইত অৱতৰণ কৰাৰ পাছতে নৰ্থ-ইষ্ট নাওৰ আগত কোনোমতে মুম্বাইত উপস্থিত হ’ব পৰা বুলি জনায়। দাসে আবেলি ৩ বজাত এখন ব্যৱসায়ীক বৈঠকত অংশ লোৱাৰ কথা আছিল।
গুৱাহাটীৰ পৰা মুম্বাইলৈ আহিবলগীয়া বিমান যাত্ৰীসকলে কেতিয়া বিমানবন্দৰত অৱতৰণ কৰিব পাৰিব সেই সম্বন্ধে বৰ্তমান সঠিক কৈ একো ক’ব পৰা হোৱা নাই।
ভাৰতীয় বতৰ বিজ্ঞান বিভাগে জনোৱা অনুসৰি মুম্বাই আগন্তুক ২৪ ঘন্টাৰ ভিতৰত প্ৰৱল বৃষ্টিপাত হ’বলগীয়া অঞ্চলৰ ভিতৰত আছে।
পশ্চিম দিশৰ পৰা অহা বতাহে মুম্বাইৰ আকাশ মণ্ডলত ঘন ক’লা ডাৱৰৰ সৃষ্টি কৰিছে আৰু আজি আবেলিৰ ভাগলৈ দুঘণ্টা প্ৰৱল বৰষুণ হোৱাৰ সম্ভাৱনা আছে।
আজি গুৱাহাটীৰ পৰা মুম্বাইলৈ স্পাইচ জেটৰ দুখন বিমানৰ ভিতৰত এচ জি ৬৪৮১ বিমানখনে ১২.৩০ বজাত গুৱাহাটীৰ পৰা মুম্বাই অভিমুখে উৰা মাৰিছে আৰু দ্বিতীয়খন বিমান এচ জি ৬২৬৬ য়ে ২.৫৫ ত মুম্বাই অভিমুখে উৰা মাৰিছে। দ্বিতীয়খন বিমানে সন্ধিয়া ৬ বজাত মুম্বাই বিমান বন্দৰত অৱতৰণ কৰাৰ কথা।
মঙলবাৰৰ দিনটোতো মুম্বাইত গোটেই দিনজুৰি প্ৰৱল বৃষ্টিপাত হোৱাৰ সম্ভাৱনা আছে। গুৱাহাটীৰ পৰা উৰা মাৰিবলগীয়া যাত্ৰীসকলে সময়মতে অৱতৰণ কৰাৰ ক্ষেত্ৰত অনিশ্চিয়তাত ভোগা দেখা গৈছে।
গুৱাহাটীৰ পৰা মুম্বাই অভিমুখে যাবলগীয়া ৰত্না দত্ত নামৰ এগৰাকী মহিলাই উল্লেখ কৰা মতে যদিহে মুম্বাই অভিমুখি তেওঁৰ বিমানখন বাতিল কৰা হয় অথবা বিমানৰ গতিপথ সলনি কৰি গন্তব্যস্থানত উপস্থিত হোৱাত পলম কৰা হয় তেনেহ’লে তেওঁ আমেৰিকালৈ যাবলগীয়া বিমান ধৰাত অসুবিধা হ’ব।
ৰত্না দত্তৰ ধৰণে অন্য যাত্ৰীসকলেও গুৱাহাটীৰ পৰা মুম্বাই অভিমুখে কৰা বিমান যাত্ৰাৰ সময়ত যথেষ্ট অসুবিধাৰ সন্মুখিন হ’বলগীয় হৈছে।
