শৰীৰৰ প্ৰয়োজনীয় উচ্চতাৰ বাবে কোনোধৰণৰ ৰায়াসনিক ঔষধ গ্ৰহণ নকৰাকৈ প্ৰাকৃতিকভাৱে দৈহিক উচ্চতা লাভ কৰিব পৰা মুখ্য চাৰিবিধ আহাৰৰ বিষয়ে তলত উল্লেখ কৰা হ’ল-
১. গাখীৰ:
গাখীৰে শৰীৰৰ উচ্চতা বৃদ্ধিত গুৰুত্বপূৰ্ণ ভূমিকা পালন কৰে। গাখীৰ হ’ল কেলচিয়ামৰ ভৰাল। কেলচিয়ামৰ উপৰিও গাখীৰত ভিটামিন-এ যথেষ্ট পৰিমানে পোৱা যায়। গাখীৰত থকা প্ৰটিনে শৰীৰৰ কোষসমূহৰ বৃদ্ধিত অৰিহনা যোগায়।দৈনিক দুইৰ পৰা তিনি গ্লাচ গাখীৰে শৰীৰ গঠনত মুখ্য ভূমিকা পালন কৰাৰ লগতে শৰীৰৰ উচ্চতা বৃদ্ধি কৰে।
২. কণী:
দেহ গঠনৰ বাবে দৰকাৰী আন এবিধ প্ৰয়োজনীয় আহাৰ হ’ল কণী। কণীত অতি বেছি পৰিমানে প্ৰ’টিন উপলব্ধ হয় যিয়ে কোষৰ বৃদ্ধিত সহায় কৰে। অতি সহজসাধ্য মূল্যত উপলব্ধ কণী দৈনিক দুটাকৈ খালে শৰীৰৰ উচ্চতা বৃদ্ধি পাই।
৩. কুকুৰাৰ মাংস:
কুকুৰাৰ মাংসতো অতি বেছি পৰিমানে প্ৰ’টিন থাকে আৰু ই শৰীৰৰ পেশীসমূহৰ গঠন আৰু বৃদ্ধিত সহায় কৰে। নিৰ্দিষ্ট নিয়মত প্ৰণালীবদ্ধভাৱে কুকুৰাৰ মাংস খোৱাতে দেহ গঠনৰ বাবে অতি উপযোগী।
৪. শাক-পাচলি আৰু ফল-মূল:
শৰীৰৰ উচ্চতা আৰু প্ৰয়োজীয় ওজন বৃদ্ধিত প্ৰধান ভূমিকা পালন কৰা শাক-পাচলি আৰু ফল-মূলে শৰীৰৰ স্বাস্থ্যৱান কৰি ৰখাৰ ক্ষেত্ৰতো সহায় কৰে। গাজৰ, ৰঙালাও, বীন,অমিতা, মিঠা আলু আদি পাচলিয়ে শৰীৰৰ উচ্চতা বৃদ্ধিত সহায় কৰে। এই সমূহ পাচলিত যথেষ্ট পৰিমানে ভিটামিন-চি উপলব্ধ হয়।
ওপৰত উল্লেখ কৰা আহাৰ সমূহ আমাৰ খাদ্যৰ তালিকাত অন্তৰ্ভূক্ত কৰি আমি প্ৰয়োজনীয় বয়সত নিৰ্দিষ্ট শাৰীৰিক উচ্চতা লাভ কৰিবলৈ সক্ষম হ’ব পাৰো।
