মটৰ ভেহিকল এমেণ্ডমেন্ট বিল লোকসভাত গৃহীত হৈ গ’ল। এই বিলত কেইটামান কঠোৰ পদক্ষেপ গ্ৰহণ কৰা হৈছে। ট্ৰেফিক নিয়ম উলংঘা কৰাৰ বাবে পূৰ্বৰ তুলনাত এতিয়া ৩০ গুণ পৰ্যন্ত অধিক জৰিমনা ভৰিবলগীয়া হ’ব পাৰে।
ইয়াৰ উপৰি কেইটামান গোচৰত গাড়ীৰ মালিকৰ জে’ল পৰ্যন্ত হ’ব পাৰে। অৱশ্যে, এই বিল কেৱল লোকসভাত গৃহীত হৈছে আৰু ৰাজ্যসভাত এতিয়াও গৃহীত হ’বলৈ বাকী আছে।
এনেক্ষেত্ৰত বিলখন যদি ৰাজ্যসভাতো গৃহীত হৈ যায় তেতিয়াহ’লে কেইটামান ট্ৰেফিক নিয়মত বৃহৎ সলনি ঘটিব। এই বৃহৎ সলনিয়ে কি কি বিষয় সামৰিছে এবাৰ চাই লওঁ আহক :-
১. ধাৰা (১৭৭)-সাধাৰণ চালান
ছিংগল চালানত পূৰ্বে ১০০ টকা জৰিমনা আদায় দিবলগীয়া আছিল যদিও এতিয়া সেয়া ৫০০ টকা হ’ব।
২. ধাৰা ১৭৭ (এ)- পথৰ নিয়ম ভংগ
পূৰ্বে ১০০ টকা জৰিমনা দিবলগীয়া আছিল যিটো এতিয়া সেয়া ৫০০ টকা হ’ব।
৩. ধাৰা ১৭৮- বিনা টিকটেৰে যাত্ৰা
পূৰ্বে ২০০ টকাৰ জৰিমনাৰ ঠাইত এতিয়া এই জৰিমনা ৫০০ টকালৈ বৃদ্ধি পাব।
৪. ধাৰা (১৭৯)-কৰ্তৃপক্ষৰ আদেশ অমান্য
পূৰ্বে ৫০০ টকাৰ জৰিমনা আছিল আৰু সেয়া এতিয়া ২০০০ টকালৈ বৃদ্ধি পাব।
৫. ধাৰা(১৮০)-বিনা অনুজ্ঞাপত্ৰৰে অকৰ্তৃত্বশীল বাহন চলোৱা
পূৰ্বে ১০০০ টকাৰ জৰিমনা বিহা হৈছিল যদিও সেয়া এতিয়া ৫০০০ টকালৈ বৃদ্ধি কৰা হ’ব।
৬. ধাৰা (১৮১)-বিনা অনুজ্ঞাপত্ৰৰে গাড়ী চলোৱা
পূৰ্বে ৫০০ টকাৰ ঠাইত এতিয়া এই জৰিমনা বৃদ্ধি পাব ৫০০০ টকালৈ।
৭. ধাৰা(১৮২)-বিনা যোগ্যতাৰে গাড়ী চলোৱা
পূৰ্বে এই জৰিমনা ৫০০ টকা আছিল যদিও এতিয়া সেয়া ১০,০০০ টকালৈ বৃদ্ধি কৰা হ’ব।
৮. ধাৰা (১৮১ বি)- অভাৰচাইজ বাহন চলোৱা
বিলখনত এইটো নতুনকৈ নিয়ম অন্তৰ্ভুক্ত কৰা হৈছে। ইয়াৰ বাবে ৫০০০ টকাৰ জৰিমনা ভৰিব লাগিব।
৯. ধাৰা(১৮৩)-গাড়ীৰ গতিবেগ অমান্য কৰিলে
পূৰ্বে ৪০০ টকাৰ ঠাইত এতিয়া ২০০০ টকা জৰিমনা ভৰিব লাগিব।
১০. ধাৰা(১৮৪)-বিপদজনক চালনাৰ বাবে পেনাল্টি
পূৰ্বে ইয়াৰ বাবে ১০০০ টকা জৰিমনা বিহা হৈছিল যদিও এতিয়া ইয়াৰ বাবে ৫০০০ টকা জৰিমনা ভৰিব লাগিব।
১১. ধাৰা (১৮৫)-মদ্যপান কৰি গাড়ী চলোৱাৰ বাবে
পূৰ্বে ২০০০ টকাৰ জৰিমনাৰ ঠাইত এতিয়া ১০,০০০ টকাৰ জৰিমনা ভৰিব লাগিব।
১২. ধাৰা (১৮৯)-প্ৰতিযোগিতা কৰাৰ বাবে
পূৰ্বে ৫০০ টকাৰ জৰিমনা বিহা হৈছিল যিটো এতিয়া ৫০০০ টকালৈ বৃদ্ধি কৰা হ’ব।
১৩. ধাৰা (১৯২-এ)- বিনা পাৰ্মিটেৰে গাড়ী চলালে
পূৰ্বে ৫০০০ টকাৰ ঠাইত এতিয়া ভৰিব লাগিব ১০,০০০ টকাৰ জৰিমনা।
১৪. ধাৰা(১৯৩)- অনুজ্ঞাপত্ৰ সম্বন্ধীয় চৰ্ত উলংঘা কৰিলে
নতুন বিলখনত এই নিয়ম অন্তৰ্ভুক্ত কৰা হৈছে। ইয়াৰ বাবে আপোনাক ২৫,০০০ টকাৰ পৰা ১লাখ টকালৈকে জৰিমনা বিহিব পাৰে।
১৫. ধাৰা(১৯৪)-অভাৰলোডিঙৰ (অতিৰিক্ত বোজা কঢ়িওৱাৰ) বাবে
পূৰ্বে ২০০০ টকা আৰু প্ৰতি টনৰ বাবে অতিৰিক্ত ১০০০ টকা দিবলগীয়া আছিল। এতিয়া ২০০০ টকা আৰু প্ৰতি টনৰ বাবে ২০০০ টকা অতিৰিক্ত দিব লাগিব।
১৬. ধাৰা(১৯৪-এ)-যাত্ৰীৰ অতিৰিক্ত বোজা কঢ়িয়ালে
এই বিলখনত নতুনকৈ এই নিয়ম অন্তৰ্ভুক্ত কৰা হৈছে। ইয়াৰ বাবে প্ৰতিজন যাত্ৰীৰ বাবদ ১০০০ টকা জৰিমনা দিব লাগিব।
১৭. ধাৰা (১৯৪ বি)-ছীটবেল্ট পৰিধান নকৰিলে
পূৰ্বে ১০০ টকাৰ ঠাইত এই জৰিমনা বঢ়াই ১০০০ টকা কৰা হৈছে।
১৮. ধাৰা(১৯৪ চি) –দুচকীয়া বাহনত অধিক আৰোহী
পূৰ্বতে ১০০ টকা জৰিমনা আছিল যদিও এতিয়া ইয়াক ২০০০ টকালৈকে বৃদ্ধি কৰা হৈছে।
১৯. ধাৰা (১৯৪ ই)- জৰুৰীকালীন বাহনক ৰাস্তা এৰি নিদিয়া (এম্বুলেন্স আদি)
এইটো নতুন নিয়ম বিলখনত অন্তৰ্বুক্ত কৰা হৈছে। ইয়াৰ বাবে ১০,০০০ টকালৈকে জৰিমনা বিহা হ’ব।
২০. ধাৰা (১৯৬)-বীমা অবিহনে ড্ৰাইভিং
পূৰ্বে ১০০০ টকাৰ ঠাইত এতিয়া এই জৰিমনা ২০০০ টকালৈ বৃদ্ধি কৰা হৈছে।
