অসমৰ ৰাজ্যসভাৰ সাংসদ ভুৱনেশ্বৰ কলিতাই সাংসদ পদৰ পৰা পদত্যাগ কৰিছে।
আজি কিছুসময় পূৰ্বে সকলোকে আচৰিত কৰি হঠাতে পদত্যাগ কৰে সাংসদ ভুৱনেশ্বৰ কলিতাই।
কলিতাৰ পদত্যাগৰ কাৰণ অৱশ্যে এতিয়ালৈকে জানিব পৰা হোৱা নাই।
ভুৱনেশ্বৰ কলিতা অসম প্ৰদেশ কংগ্ৰেছৰ প্ৰাক্তন সভাপতি তথা ৰাজ্যসভাত কংগ্ৰেছৰ ‘চীফ হুইপ’ও আছিল।
I have resigned from the Rajya Sabha membership today. #Assam
— Bhubaneswar Kalita (@BKalitaINC) August 5, 2019
কলিতাৰ এই আচম্বিত পদত্যাগৰ পাছতে কংগ্ৰেছত জোকাৰণিৰ সৃষ্টি হৈছে।
উল্লেখযোগ্য যে কিছুদিন পূৰ্বে অসমৰ পৰা নিৰ্বাচিত আন এগৰাকী ৰাজ্যসভাৰ সাংসদ সঞ্জয় সিঙেও পদত্যাগ কৰিছিল।
সিঙে বিজেপিৰ যোগদান কৰাৰ বাতৰিও ইতিমধ্যে প্ৰকাশ পাইছে।
সঞ্জয় সিঙৰ পাছত পদত্যাগ কৰা কলিতা হৈছে অসমৰ দ্বিতীয়গৰাকী সাংসদ।
ভুৱনেশ্বৰ কলিতাৰ পদত্যাগ সন্দৰ্ভত এতিয়াও অন্ধকাৰত আছে প্ৰদেশ কংগ্ৰেছ।
প্ৰদেশ কংগ্ৰেছৰ এক সূত্ৰই জানিব দিয়ে যে প্ৰদেশ কংগ্ৰেছৰ নেতাসকলেও সংবাদ মাধ্যমৰ পৰাহে এই খৱৰ পাইছে।
ভুৱনেশ্বৰ কলিতাই অসমৰ নাগৰিকত্ব সংশোধনী বিধেয়ক বিৰোধী আন্দোলক সমৰ্থন কৰাৰ উপৰি সংসদতো সৰৱ হৈ পৰিছিল।