দেশৰ প্ৰাক্তন বিদেশ মন্ত্ৰী তথা বিজেপিৰ এগৰাকী উল্লেখযোগ্য নেত্ৰী সুষমা স্বৰাজৰ ৬ আগষ্টৰ ৰাতি হৃদযন্ত্ৰ বিকল হৈ মৃত্যু হয়।
হঠাতে হাৰ্ট এটেকত আক্ৰান্ত হোৱা ৬৭ বছৰীয়া স্বৰাজক ততাতৈয়াকৈ ৰাতি ১০:১৫ বজাত এইমছলৈ অনা হৈছিল যদিও তেওঁক বচাব পৰা নগ’ল।
নেত্ৰীগৰাকীৰ মৃত্যুত অসম প্ৰদেশ বিজেপিয়ে গভীৰ শোক প্ৰকাশ কৰিছে।
প্ৰদেশ বিজেপিৰ সভাপতি ৰণজিৎ দাসে নেত্ৰীগৰাকীৰ মৃত্যুৰ প্ৰতি শ্ৰদ্ধা জনাবলৈ বৰ্তমান ৰাজ্যখনত চলি থকা সকলো ধৰণৰ সদস্য ভৰ্তি আভিযান কাৰ্য্যসূচী আজি দিনটোৰ বাবে বন্ধ থাকিব বুলি নিৰ্দেশনা জাৰি কৰিছে।
বৰ্তমান নিজা ঘৰলৈ নিয়া স্বৰাজৰ মৃতদেহ আজি বিজেপিৰ প্ৰধান কাৰ্য্যালয়লৈ শেষ শ্ৰদ্ধা জ্ঞাপনৰ বাবে দুপৰীয়াৰ সময়ত অনা হ’ব আৰু তাৰ পিছতে থকা লোধি ৰ’ডত থকা ইলেকট্ৰিক শৱদাহ চুল্লীত (Crematorium) স্বৰাজৰ শেষকৃত্য কৰা হ’ব।
