তিনিচুকীয়া জিলাৰ মাৰ্ঘেৰিটা মহকুমাৰ অসম অৰুণাচল সীমান্ত বৰডুমচাত এটি ৪ বছৰীয়া কন্যা শিশুক ধৰ্ষণৰ চেষ্টা চলোৱাৰ অভিযোগত আটক কৰা এজন যুৱকক আজি আৰক্ষীয়ে জেইল লৈ প্ৰেৰণ কৰে।
জে’ললৈ প্ৰেৰণ কৰা যুৱকজনক নাহৰকটীয়াৰ টিংখাঙৰ সুভাষ সোনাৰ বুলি চিনাক্ত কৰা হৈছে।
উল্লেখযোগ্য যে বৰডুমচাৰ মাধৱপুৰত ৰাজমিস্ত্ৰীৰ কাম কৰি থকা সুভাষে ৯ আগষ্টত সন্ধিয়া এটি চাৰি বছৰীয়া কন্যা শিশুক চাহ বাগিচাৰ মাজলৈ নি ধৰ্ষণৰ চেষ্টা চলায়।
অৱশ্যে তেনেতে স্থানীয় ৰাইজে সুভাষক কৰায়ত্ত কৰি উত্তম-মধ্যম সোধায় পিছত বৰডুমচা আৰক্ষী থানাত চমজায় দিয়ে।
আনহাতে স্থানীয় ৰাইজে নিশা বৰডুমচা আৰক্ষী থানা ঘেৰাও কৰি যুৱকজনৰ কঠোৰ শাস্তিৰ দাবী তুলি এক উত্তপ্ত পৰিস্থিতিৰ সৃষ্টি কৰে।
যিহেতু পূৰ্বতে আৰক্ষীয়ে ধনৰ বিনিময়ত ড্ৰাগছ মাফিয়াকে ধৰি বিভিন্ন অপৰাধীক মুকলি কৰি দিয়াৰ বহু উদাহৰণ আছে বুলি স্থানীয় ৰাইজে অভিযোগ উত্থাপন কৰিছে।
