অসমৰ ভিতৰুৱা অঞ্চলৰ লুকাই থকা প্ৰতিভা উলিয়াই অনাৰ উদ্দেশ্যে ‘ক্ৰিয়েশ্যন মোশ্যন পিক্সাৰ’ নামৰ বেচৰকাৰী সংস্থাটোৱে গ্ৰহণ কৰিছে বিশেষ পদক্ষেপ।
সংস্থাটোৱে যোৱা কেইমাহমান পূৰ্বৰে পৰা মোবাইল ফোনৰ যোগেৰে য়ুটিউব চেনেলৰ প্ৰতিযোগিতা আৰম্ভ কৰিছিল।
বয়সৰ কোনো সীমা নথকা প্ৰতিযোগিতাখনত কণমানি শিশুৰ পৰা আৰম্ভ কৰি বৃদ্ধজনলৈ সকলোৱে ভাগ লৈছিল।
শেষত ইয়াৰ পৰা গীত,নাটক আৰু নৃত্য শিতানৰ পৰা ১৭ গৰাকী প্ৰতিযোগীক চূড়ান্ত প্ৰতিযোগিতাৰ বাবে বাচনি কৰি উলিওৱা হৈছিল।
অহা ২৫ আগষ্ট, ২০১৯ তাৰিখে সেইসকল চূড়ান্ত প্ৰতিযোগীক লৈ উজানবজাৰ স্থিত বিবেকানন্দ কেন্দ্ৰীয় প্ৰেক্ষাগৃহত ফাইনেল প্ৰতিযোগিতাখন অনুষ্ঠিত কৰিব।
ইয়াত ১৭ গৰাকী চূড়ান্ত প্ৰতিযোগীৰ মাজৰ পৰা শ্ৰেষ্ঠ কেইজনক বাচি উলিয়াই তেওঁলোকক পুৰষ্কাৰ বিতৰণ কৰা হ’ব।
তদুপৰি, তেওঁলোকক একোখনকৈ প্ৰমাণ পত্ৰও প্ৰদান কৰা হ’ব বুলি জনায় ‘ক্ৰিয়েশ্যন মোশ্যন পিক্সাৰ’ৰ সভানেত্ৰী ডনা বৰঠকুৰে।
