গুৱাহাটীস্থিত সাংবাদিক অনুপ শৰ্মালৈ আন্তঃৰাষ্ট্ৰীয় ৰে’ড ক্ৰছ সমিতি আৰু প্ৰে’ছ ইন্সটিটিউট অৱ ইণ্ডিয়াই আগবঢ়াইছে ১৩সংখ্যক পি আই আই-আই চি আৰ চি বঁটা।
নৰ্থইষ্ট নাওৰ চ্চীফ অৱ ব্যুৰ’ শৰ্মাক “মানৱহিতৈষী প্ৰতিবেদন আৰু ছবি”ৰ বাবে বঁটাটো আগবঢ়োৱা হৈছে।
অসমৰ চৰবাসীৰ ওপৰত জলবায়ু পৰিৱৰ্তনে পেলোৱা প্ৰভাৱ সন্দৰ্ভত অনুপ শৰ্মাই যুগুত কৰা প্ৰতিবেদনৰ বাবে তেওঁক বাচনি কৰা হৈছে।
বাৰ্ষিক বঁটাটোৰ এই বছৰৰ বিষয় আছিল “মানৱকল্যাণজনিত বিষয়ত জলবায়ু পৰিৱৰ্তনৰ প্ৰভাৱ”।
মানৱকল্যাণজনিত প্ৰতিবেদনৰ ক্ষেত্ৰত উত্তম সাংবাদিকতাক চিনাক্ত আৰু প্ৰসাৰ কৰাৰ বাবে পি আই আই আৰু আই চি আৰ চিয়ে এই বঁটা আগবঢ়ায়।
নতুন দিল্লীৰ ইণ্ডিয়া ইণ্টাৰনেচনেল চেণ্টাৰত অহা ২৭ ছেপ্তেম্বৰত বঁটা প্ৰদান অনুষ্ঠান অনুষ্ঠিত হ’ব।
বিশ্বখ্যাত আন্তঃৰাষ্ট্ৰীয় ৰে’ড ক্ৰছ সমিতি মানৱকল্যাণজনিত কাম-কাজৰ সৈতে জৰিত এক স্বতন্ত্ৰ আৰু অৰাজনৈতিক সংস্থা।
১৯৬৩ চনত স্থাপিত প্ৰে’ছ ইন্সটিটিউট অৱ ইণ্ডিয়া উচ্চমানৰ আৰু দায়বদ্ধতাসম্পন্ন সাংবাদিকতা সৃষ্টি আৰু বৰ্তাই ৰখাৰ উদ্দেশ্যে গঠিত স্বতন্ত্ৰ, নন-প্ৰফিট সংস্থা।
