নগাঁৱৰ চামগুৰি অঞ্চলত এতিয়া দিনকদিনে বৃদ্ধি পাইছে অপৰাধমূলক ঘটনা।
বিভিন্ন অপৰাধীৰ ৰম্যভূমিস্বৰূপ হৈ পৰা চামগুৰিত শুকুৰবাৰে গোপন সুত্ৰৰ পম খেদি চামগুৰি আৰক্ষীয়ে এক অভিযান চলাই এটা কেকো সাপ সহ দুজন সৰবৰাহকাৰী কৰায়ত্ব কৰিবলৈ সক্ষম হয়।
চামগুৰিৰ নিকটবৰ্ত্তী সোণাৰিবালিৰ পৰা অভিযান চলাই আৰক্ষীয়ে চিকনি চাহ বাগিছাৰ কৰ্ণেলীয়া টুটী আৰু চামগুৰিৰ বৰমাবিলৰ জিয়াউৰ হক নামৰ দুজন সৰবৰাহকাৰীক গ্ৰেপ্তাৰ কৰে।
উল্লেখ্য যে, চামগুৰিৰ সোনাৰীবালীৰ চামেলি নামৰ এখন ধাবাত এটা কেকো সাপ চোৰাংভাবে সৰবৰাহৰ চেষ্টা চলাইছিল ধৃত লোক দুজনে।
আৰক্ষীৰ দলটোৱে ধৃত দুই চোৰাং সৰবৰাহকাৰীৰ পৰা এখন সন্দেহজনক মটৰ চাইকেলো জব্দ কৰিছে।
বন বিভাগৰ সহযোগত সম্প্ৰতি চামগুৰি আৰক্ষীয়ে ধৃত দুয়োটাৰে ওপৰত তীব্ৰ জেৰা অব্যাহত ৰাখিছে।
