কংগ্ৰেছৰ জ্যেষ্ঠ নেতা তথা প্ৰাক্তন মুখ্য মন্ত্ৰী ভূমিধৰ বৰ্মনে সোমবাৰে কয় যে তেওঁলোকে আসন্ন উপ নিৰ্বাচনত এআইয়ুডিএফৰ সৈতে মিত্ৰতা কৰিবলৈ সাজু হৈছে।
‘’ৰাজ্যখনত ভোটৰ হাৰ বৃদ্ধি কৰিবলৈ কংগ্ৰেছে আঞ্চলিক দলৰ সৈতে এক মিত্ৰতাত আৱদ্ধ হোৱাৰ প্ৰয়োজনীয়তা আছে,’’-বৰ্মনে কয়।
‘’বিজেপিয়ে সেইটো কৰিবলৈ সক্ষম হৈছে আৰু এতিয়া এয়া আন দলবোৰৰ ওপৰতো নিৰ্ভৰ কৰিছে,’’-তেওঁ কয়।
‘’এইটো চূড়ান্ত কৰাটো বৰ্তমান দুয়োটা দলৰে জ্যেষ্ঠ নেতৃত্বৰ ওপৰত নিৰ্ভৰ কৰিছে,’’-তেওঁ লগতে কয়।
প্ৰদেশ কংগ্ৰেছৰ সভাপতি ৰিপুন বৰাৰ প্ৰতি লক্ষ্য কৰি প্ৰসিদ্ধ নেতাগৰাকীয়ে কয়,’’তেওঁ সক্ৰিয় কিন্তু সহযোগিতামূলক নহয়।‘’
‘’শীৰ্ষ নেতাৰ পৰা তৃণমূল পৰ্যায়লৈকে মানসিকতা পৰিৱৰ্তন কৰাৰ প্ৰয়োজন আছে,’’-তেওঁ কয়।
চিকিৎসক-ৰাজনীতিবিদ গৰাকীয়ে লগতে কয়, ‘’দলত বহু অনাকাংক্ষিত নেতাই শীৰ্ষ পদবী অধিকাৰ কৰি আছে।’’
অসমৰ চাৰিটা বিধানসভা সমষ্টিৰ উপ নিৰ্বাচন অহা ২১ অক্টোবৰত অনুষ্ঠিত হ’ব আৰু অহা ২৪ অক্টোবৰত ফলাফল ঘোষণা কৰা হ’ব।
