দেশৰ আটাইতকৈ বৃহৎ গাড়ী নিৰ্মাতা কোম্পানী মাৰুতি চুজুকিয়ে সোমবাৰে ইয়াৰ আটাইতকৈ সস্তা SUV কাৰ এছ-প্ৰেছো (Maruti Suzuki S-Presso) মুকলি কৰিব।
দেশত অটোমোবাইলৰ বজাৰত মন্দাৱস্থাৰ সৃষ্টি হোৱাৰ বাতৰিৰ মাজতে মাৰুতিৰ ফালৰ পৰা মিনি এছ য়ু ভি মুকলি কৰিবলৈ লোৱা হৈছে।
বজাৰত মন্দাৱস্থাৰ সৃষ্টি হোৱাৰ পৰিপ্ৰেক্ষিতত গাড়ী নিৰ্মাতা কোম্পানীবোৰেও সস্তা গাড়ী উলিয়াই দিয়াৰ প্ৰতি দৃষ্টি দিছে।
মাৰুতিৰ আহিবলগীয়া নতুন মিনি SUV কাৰৰ বাবে লোকৰ মাজত উৎসাহ বৃদ্ধি পাইছে। মাৰুতিৰ S-Presso SUV কোম্পানীটোৰ এন্ট্ৰি লেভেল এছ য়ি বি হ’ব।
প্ৰকাশ পোৱা খবৰ অনুসৰি, কাৰখনৰ প্ৰাৰম্ভিক মূল্য ৩.৫০ লাখ টকাৰ এক্স শ্ব’ৰুম মূল্যত লাভ কৰিব বুলি কোৱা হৈছে।
সেইদৰে S-Pressoৰ টপ মডেলৰ মূল্য ৫.৩০লাখ হোৱাৰ আশা কৰা হৈছে। মুকলি হোৱাৰ পূৰ্বে Maruti S-Presso ৰ কিছু ফিচাৰ্ছ জানিব পৰা গৈছে।
মাৰুতিৰ মিনি SUV কাৰত BS6 ষ্টেণ্ডাৰ্ডৰ ইঞ্জিন থাকিব। কোম্পানীয়ে ইয়াৰ চাৰিটা মডেল ভাৰতৰ বজাৰত মুকলি কৰিব।
মাৰুতিৰ ফালৰ পৰা কাৰখনত পেট্ৰ’ল আৰু চি এন জি ইঞ্জিন আগবঢ়োৱা হ’ব। ইয়াৰ চাৰিটা মডেল হ’ব Std, LXi, VXi আৰু VXi+।
তদুপৰি, SUV S-Pressoত ১.০ লিটাৰ পেট্ৰ’ল ইঞ্জিন থাকিব। কাৰখনৰ অটোমেটিক মডেল VXi আৰু VXi+ মডেলতহে পোৱা যাববুলি জানিব পৰা গৈছে।
মাৰুতিৰ এই S-Pressoকাৰখনত ২৭ লিটাৰ তেলৰ ক্ষমতাযুক্ত ফুৱেল টেংক থাকিব। ইয়াৰ মাইলেজ প্ৰতি লিটাৰত ২৪ কিলোমিটাৰ হোৱাৰ সম্ভাৱনা আছে।
মাৰুতিৰ এই নতুন কাৰখন দেখিবলৈও আকৰ্ষণীয়। কোম্পানীটোৱে ইয়াৰ বিক্ৰী ডিলাৰৰ জৰিয়তে কৰিব।
