অসম চৰকাৰৰ স্বাস্থ্য আৰু পৰিয়াল কল্যাণ বিভাগৰ(ৰাজ্যিক)মন্ত্ৰী পিয়ুষ হাজৰিকাই শুকুৰবাৰে সন্ধিয়া শিৱসাগৰ অসামৰিক চিকিৎসালয়ত ডায়ালাইছিছ কেন্দ্ৰৰ শুভ উদ্ধোধন কৰে।
প্ৰধান মন্ত্ৰী ৰাষ্ট্ৰীয় ডায়ালাইচিছ আঁচনিৰ অধীনত সম্পূৰ্ণ বিনামূলীয়াকৈ বৃক্ক ৰোগী সকলৰ বাবে এই কেন্দ্ৰ সমূহত ডায়ালাইচিছৰ সুবিধা উপলব্ধ হ’ব।
‘‘শিৱসাগৰবাসীৰ বাবে আজি এটা আনন্দৰ দিন। পূৰ্বে ডায়ালাইচিছৰ বাবে ৰোগীয়ে ডিব্ৰুগড়, যোৰহাট বা গুৱাহাটীলৈ যাবলগীয়া হৈছিল কিন্তু এতিয়াৰে পৰা ৰোগীসকলে সম্পূৰ্ণ বিনামূলীয়াকৈ শিৱসাগৰ অসামৰিক চিকিৎসালয়ত ডায়ালাইচিছ কৰিব পাৰিব,’’ কেন্দ্ৰটো উদ্ধোধন কৰি মন্ত্ৰী পিয়ুষ হাজৰিকাৰ মন্তব্য।
উল্লেখযোগ্য যে, অসম চৰকাৰে এপল’ ডায়েলাইচিছ ক্লিনিকৰ সহযোগত ইতিমধ্যে অসমৰ ৮ খন চৰকাৰী চিকিৎসালয়ত ডায়েলাইচিছ কেন্দ্ৰ মুকলি কৰিছে।
ৰাজ্যৰ বিভিন্ন প্ৰান্তত মুকলি কৰা ডায়ালাইচিছ কেন্দ্ৰ সমূহৰ দ্বাৰা সাধাৰণ ৰাইজ উপকৃত হ’ব বুলিও মন্ত্ৰী পিয়ুষ হাজৰিকাই কয়।
আনহাতে, উদ্ধোধনী অনুষ্ঠানত যেৰহাট লেকসভা সমষ্টিৰ সাংসদ তপন কুমাৰ গগৈ, থাওৰা সমষ্টিৰ বিধায়ক কুশল দুৱৰী, শিৱসাগৰ জিলা উপায়ুক্ত ডাঃ এম এছ লক্ষ্মীপ্ৰিয়াৰ লগতে বহু বিশিষ্ট ব্যক্তি উপস্থিত থাকে।
কেনেদৰে বিনামূলীয়াকৈ লাভ কৰিব ডায়েলাইচিছৰ সুবিধা:
কেবল এপিএল বা বিপিএল কাৰ্ড থকা ৰোগী সকলৰ লগতে সকলে সকলো ৰোগীয়ে ডায়ালাইচিছৰ সুবিধা লাভ কৰিব এই কেন্দ্ৰ সমূহত।
এই সুবিধা লাভ কৰিবলৈ প্ৰথমতে কেন্দ্ৰটোলৈ আহি ৰোগীয়ে প্ৰয়োজনীয় তথ্যপাতি (নেফ’লজিৰ প্ৰক্সিপচন)সহ নিজৰ নাম পঞ্জীয়ণ কৰি এই সুবিধা লাভ কৰিব পাৰিব।
কেন্দ্ৰটেত ডায়েলাইচিছ কৰাৰ লগতে প্ৰয়োজনীয় সকলো ঔষধপাতি বিনামূলীয়াকৈ যোগান ধৰা হ’ব বুলি জানিবলৈ দিয়ে কেন্দ্ৰটোৰ ইনচাৰ্জ পৱন দাসে।
