এণ্ড্রইড ফোনত হোৱাটছএপ ব্যৱহাৰ কৰা য়ুজাৰৰ বাবে সুখবৰ। এতিয়া এণ্ড্ৰইড য়ুজাৰ্ছেও হোৱাটছএপত ফিংগাৰপ্ৰিন্ট লক লগাব পাৰিব।
উল্লেখযোগ্য হোৱাটছেপে আই অ’ এছ ফোনৰ বাবে এই ফিচাৰ প্ৰথমতেই মুকলি কৰিছিল আৰু এতিয়া এণ্ড্রইড য়ুজাৰেও এই সুবিধা গ্ৰহণ কৰিব পাৰিব।
হোৱাটছেপে এণ্ড্রইড য়ুজাৰৰ বাবে এই ফিচাৰ মুকলি কৰি দিছে আৰু ইয়াৰ জৰিয়তে বায়’মেট্ৰিক অথেন্টিকেশ্যন কৰিব পৰা যায়।
হোৱাটছেপে জানিব দিছে যে যিবিলাক স্মাৰ্টফোনত ফিংগাৰপ্ৰিন্ট স্কেনাৰ দিয়া আছে সোইবোৰতহে ইয়াৰ সুবিধা পোৱা যাব।
ইয়াৰ বাবে হোৱাটছেপৰ এপটো আপডেট কৰিব লাগিব আৰু মেনুৱেল পদ্ধতিৰে আপুনি ইয়াক কাৰ্যকৰী কৰি তুলিব লাগিব।
এণ্ড্ৰইড য়ুজাৰ্ছে কেনেকৈ কৰিব ফিংগাৰপ্ৰিন্ট লক?
হোৱাটছএপ খোলক আৰু ইয়াৰ ছেটিঙত যাওক। ছেটিঙত একাউন্টটো ছিলেক্ট কৰক আৰু ইয়াৰ প্ৰাইভেচী অপশ্যনত যাওক।
এই অপশ্যনৰ ভিতৰত আপুনি ফিংগাৰপ্ৰিন্ট লক’ৰ বিকল্প পাব। ইয়াৰ পাছত আপুনি ইয়াক অন কৰি কনফাৰ্ম কৰিব লাগিব।
আপুনি যেতিয়াই এই অপশ্যন কনফাৰ্ম কৰিব আপোনাক আগলৈ হোৱাটছএপ খোলাৰ বাবে ফিংগাৰপ্ৰিন্ট অথেন্টিকেশ্যনৰ প্ৰয়োগ কৰিব লাগিব।
উল্লেখ্য যে পূৰ্বে এণ্ড্ৰইড য়ুজাৰ্ছক হোৱাটছএপত ফিংগাৰপ্ৰিন্ট লক’ৰ বাবে থাৰ্ড পাৰ্টি এপৰ সহায় ল’ব লগা আছিল যদিও এতিয়া হোৱাটছএপৰ এই ফিচাৰৰ সহায়ত আপুনি কোনো থাৰ্ড পাৰ্টিৰ সহায় নোলোৱাকৈ ফিংগাৰপ্ৰিন্ট লক কৰিব পাৰিব।
