মুখ্য মন্ত্ৰী সৰ্বানন্দ সোণোৱালে আজি অসম অলিম্পিক সন্থাৰ সভাপতি হিচাপে আনুষ্ঠানিকভাৱে দায়িত্বভাৰ গ্ৰহণ কৰে। উল্লেখ্য যে এই পদবীৰ বাবে তেওঁক বিনা প্ৰতিদ্বন্দ্বিতাৰে নিৰ্বাচিত কৰা হৈছে।
অসম অলিম্পিক সন্থাৰ সভাপতিৰ পদবীৰ বাবে নিৰ্বাচিত কৰাত মুখ্য মন্ত্ৰী সোণোৱাল অত্যন্ত সুখী বুলি প্ৰকাশ কৰে।
মহানগৰীৰ এখন হোটেলত অনুষ্ঠিত এই অনুষ্ঠানত মুখ্য মন্ত্ৰী সোণোৱালে অসম অলিম্পিক সন্থাৰ সদস্যসকলক ৰাজ্যৰ সৰ্বোচ্চ ক্ৰীড়া সংগঠনটোৰ সভাপতি হিচাপে নিৰ্বাচিত কৰাৰ বাবে আন্তৰিক ধন্যবাদ জ্ঞাপন কৰে।
দায়িত্বভাৰ গ্ৰহণ কৰাৰ পাছতে মুখ্য মন্ত্ৰীয়ে সকলো বিষয়ববীয়াকে ‘টিম অসম’ৰ মানসিকতাৰে কাম কৰি অসমক দেশৰ ভিতৰতে ক্ৰীড়াৰ হাব হিচাপে গঢ়ি তোলাৰ বাবে আহ্বান জনায়।
মুখ্য মন্ত্ৰীয়ে অসম অলিম্পিক সন্থাক ৰাজ্যৰ ৬৮ লাখ পৰিয়ালৰ এক জনপ্ৰিয় নাম হিচাপে পৰিগণিত কৰাৰ বাবে কৰ্মপন্থা নিৰ্ধাৰণ কৰিবলৈও আহ্বান জনায়।
আজিৰ এই অনুষ্ঠানত মুখ্য মন্ত্ৰীৰ উপৰি আন ৬৮ গৰাকী সদস্যইও অসম অলিম্পিক সন্থাৰ দায়িত্বভাৰ গ্ৰহণ কৰে।
ইফালে আজিৰ এই অনুষ্ঠানত ভাৰতীয় অসিম্পিক সন্থাৰ যুটীয়া সম্পাদক এছ এম বালীৰ লগতে আন বহি লোক উপস্থিত থাকে।
