গোৱালপাৰা জিলা আৰক্ষীৰ নেতৃত্বত দেওবাৰে সন্ধিয়া কৃষ্ণাই থানাৰ অন্তৰ্গত নয়াপাৰা আৰু চৰ্দাৰ পাৰা গাঁৱত অভিযান চলাই বৃহৎ পৰিমাণৰ বিস্ফোৰক উদ্ধাৰ কৰা বুলি জানিব পৰা গৈছে।
বিশেষ সূত্ৰে জানিব পৰা মতে অভিযানকালত আৰক্ষীয়ে বিস্ফোৰকৰ সৈতে কেতবোৰ ভয়াৱহ সামগ্ৰীও উদ্ধাৰ কৰিছে।
আনহাতে আৰক্ষীয়ে দুজন যুৱককো আটক কৰিছে। আটকাধীন যুৱকদুজনৰ স্বীকাৰোক্তিৰ ভিত্তিতে আৰক্ষীয়ে অভিযান চলাইছিল।
আটকাধীন যুৱকদুজনক ক্ৰমে ৰঞ্জিত আলী আৰু লুইত আলী বুলি চিনাক্ত কৰা হৈছে। ইফালে আৰক্ষীয়ে এই অভিযানৰ সবিশেষ তথ্য তদন্তৰ স্বাৰ্থত সংবাদ মাধ্যমক দিয়াৰ পৰা বিৰত আছে।
