অসমৰ মুখ্য নিৰ্বাচনী বিষয়াৰ নিৰ্দেশত সোমবাৰে প্ৰকাশ পাইছে ফটো ভোটাৰ তালিকাৰ বিশেষ সংশোধিত সাৰাংশৰ খচৰা তালিকা।
এই খচৰা তালিকামতে, অসমৰ মুঠ ভোটাৰ হৈছে ২১৯৫০০৯৭ গৰাকী। তৃতীয় লিংগৰ ভোটাৰ ৪১০, পুৰুষ ১১২২০৮৯৩ আৰু মহিলা ১০৭২৮৭৯৪ গৰাকী।
অসমৰ ভিতৰত সৰ্বাধিক ভোটাৰ থকা বিধান সভা সমষ্টি হৈছে দিচপুৰ। সৰ্বনিম্ন ভোটাৰ আছে শিৱসাগৰৰ থাওৰা সমষ্টিত।
দিচপুৰৰ মুঠ ভোটাৰ ৩৮৩৯৬৭, তৃতীয় লিংগ ১০ গৰাকী, পুৰুষ ১৯২৮৫৭ আৰু মহিলা ১৯১০৯৯ গৰাকী।
থাওৰাত মুঠ ভোটাৰ ১১০৮০৭ গৰাকী। তৃতীয় লিংগ শূন্য, পুৰুষ ৫৬৬৩১ আৰু মহিলা ৫৪১৭৬ গৰাকী।
এইক্ষেত্ৰত দাবী আৰু আপত্তি দাখিলৰ বাবে ভটাৰসকলে অহা ২২ জানুৱাৰিলৈকে সময় পাব।
৩ ফেব্ৰুৱাৰি, ২০২০ৰ ভিতৰত সকলো দাবী আৰু আপত্তিৰ মীমাংসা কৰা হ’ব।
২০১৯ চনত প্ৰকাশিত চূড়ান্ত ফটো ভোটাৰ তালিকাত অসমৰ মুঠ ভোটাৰ আছিল ২১৮০৫৫২৪ গৰাকী।
যোৱা ৬ ফেব্ৰুৱাৰিত প্ৰকাশিত এই তালিকাতকৈ বৰ্তমানৰখনত মুঠ ১৪৪৫৭৩ গৰাকী ভোটাৰ বৃদ্ধি পাইছে।
