বোকাখাতৰ লতাবাৰীত সোমবাৰে নিশা সংঘৰ্তিত হোৱা এক পথ দুর্ঘটনা এজন অচিনাকী লোকৰ মৃত্যু হয়। জানিব পৰা মতে নিশা কোনো অচিনাক্ত গাড়ীয়ে লোকজনক খুন্দিয়াই থৈ যায়।
পিছত গুৰুতৰভাৱে আহত হৈ পৰি ৰোৱা লোকজনক প্ৰতক্ষ কৰি স্থানীয় লোকে বোকাখাত আৰক্ষীক খবৰ দিয়াত বোকাখাত আৰক্ষী ঘটনাস্থলীত উপস্থিত হৈ ব্যক্তিজনক উদ্ধাৰ কৰি বোকাখাতৰ অসামৰিক চিকিৎসালয়ত ভৰ্তি কৰায়।
কিন্তু লোকজনৰ অৱস্থা অধিক অৱনতি ঘটাত তেওঁক ততালিকে প্রাথমিক চিকিৎসা প্রদান কৰি যােৰহাট চিকিৎসা মহাবিদ্যালয় লৈ প্রেৰণ কৰা হৈছিল যদিও যোৰহাট চিকিৎসা মহাবিদ্যালয়তে নিশা আহত ব্যক্তিজনে শেষ নিশ্বাস ত্যাগ কৰে।
নিহত লোকজনক আৰক্ষীয়ে এতিয়াও চিনাক্ত কৰিব পৰা নাই। বাতৰি যুগুত কৰাৰ সময়লৈকে লোকজনৰ মৃতদেহ যোৰহাট চিকিৎসা মহাবিদ্যালয়ৰ মৰ্গত ৰখা হৈছে।
