ভাৰতৰ কেন্দ্ৰীয় আয়ুস মন্ত্ৰণালয়ে চীন, মালেছিয়াকে ধৰি বিশ্বৰ কেইবাখনো দেশত আতংকৰ সৃষ্টি কৰা ক’ৰ’না ভাইৰাছ হোমিঅ’পেথি চিকিৎসাৰ জৰিয়তে ৰোধ কৰা সম্ভৱ বুলি দাবী কৰিছে।
চীনত ভয়াবহ ৰূপ ধাৰণ কৰা ক’ৰ’না ভাইৰাছৰ সংক্ৰমণ সন্দৰ্ভত বুধবাৰে কেন্দ্ৰীয় আয়ুস মন্ত্ৰাণালয়ে এলানি স্বাস্থ্য পৰামৰ্শ জাৰি কৰে।
উল্লেখযোগ্য যে, ক’ৰ’না ভাইৰাছৰ সংক্ৰমণৰ ক্ষেত্ৰত ল’বলগীয়া সতৰ্কতা আৰু অন্যান্য দিশ সমূহৰ সন্দৰ্ভত মঙলবাৰে আয়ুস মন্ত্ৰণালয়ে এখন বৈঠকত অংশগ্ৰহণ কৰিছিল।
আনহাতে, আয়ুস মন্ত্ৰণালয়ে ক’ৰ’না ভাইৰাছ প্ৰতিৰোধী হোমিঅ’পেথি ঔষধৰ নামো সদৰি কৰিছে।
চীনত ক’ৰ’না ভাইৰাছৰ সংক্ৰমণৰ ফলত মৃত্যু হোৱা লোকৰ সংখ্যাই ১০০ অতিক্ৰম কৰিছে।
বিশ্বৰ বহুকেইখন দেশে চীনৰ সৈতে বিমান সেৱা বাতিল কৰিছে। ভাৰতকো ক’ৰ’না ভাইৰাছৰ সংক্ৰমণৰ ক্ষেত্ৰত সংবেদনশীল দেশৰ ভিতৰত স্থান দিয়া হৈছে।
