আজিৰ পৰা আৰম্ভ হোৱা অসম সাহিত্য সভাৰ পঞ্চসপ্ততিতম শুৱালকুছি অধিৱেশনলৈ নাহে দেশৰ ৰাষ্ট্ৰপতি ৰামনাথ কোবিন্দ।
অসমৰ শিক্ষা মন্ত্ৰী হিমন্ত বিশ্ব শৰ্মাই কোবিন্দ অধিৱেশনলৈ নাহে বুলি জানিবলৈ দিছে।
উল্লেখযোগ্য যে, ৩১ জানুৱাৰিৰ পৰা ৪ ফেব্ৰুৱাৰিলৈ শুৱালকুছিৰ জ্যোতিক্ষেত্ৰত অনুষ্ঠিত হোৱা অসম সাহিত্য সভাৰ পঞ্চসপ্ততিতম অধিবেশনৰ সভাত মুখ্য অতিথি হিচাপে উপস্থিত থকাৰ কথা আছিল ৰাষ্ট্ৰপতি ৰামনাথ কোবিন্দ।
অসমৰ মুখ্য মন্ত্ৰী সৰ্বানন্দ সোণোৱাল আৰু হিমন্ত বিশ্ব শৰ্মাই অসম সাহিত্য সভাৰ শুৱালকুছি অধিবেশনলৈ ৰাষ্ট্ৰপতি ৰামনাথ কোবিন্দক আমন্ত্ৰণ জনাইছিল আৰু অধিবেশনৰ আদৰণি সমিতিয়েও ৰাষ্ট্ৰপতিগৰাকীক আদৰিবলৈ প্ৰস্তুতি সম্পূৰ্ণ কৰি তুলিছিল।
শুৱালকুছি অধিৱেশন সাফল্যমণ্ডিত কৰি তোলাৰ বাবে অসমৰ সমূহ জনসাধাৰণলৈ অধিৱেশনস্থলীত উপস্থিত থকাৰ বাবে আহ্বান জনাইছে অসম সাহিত্য সভাৰ আদৰণি সমিতিয়ে।
আনহাতে, বড়ো শান্তি চুক্তি স্বাক্ষৰ হোৱাৰ পাছত অসমলৈ দেশৰ প্ৰধান মন্ত্ৰী নৰেন্দ্ৰ মোদীয়ো অহাৰ সম্ভাৱনা আছে যদিও নাগৰিকত্ব (সংশোধন) আইন বিৰোধী প্ৰতিবাদকাৰীৰ ৰোষত পৰাৰ সম্ভাৱনা আছে প্ৰধান মন্ত্ৰী মোদী।
