উত্তৰ-পূবৰ আগৰতলা, গুৱাহাটী আৰু ইম্ফল বিমান বন্দৰে এবাৰ ব্যৱহাৰ্য্য প্লাষ্টিক মুক্ত বিমান বন্দৰ হিচাপে এবছৰ সম্পুৰ্ণ কৰে।
বৃহস্পতিবাৰে ভাৰতীয় বিমান প্ৰাধিকৰণে প্ৰকাশ কৰা তালিকা অনুসৰি গুৱাহাটী, আগৰতলা আৰু ইম্ফল বিমান বন্দৰে এবাৰ ব্যৱহাৰ্য্য প্লাষ্টিক মুক্ত বিমান বন্দৰৰ তালিকাত স্থান লাভ কৰে।
পৰিৱেশ আৰু জলবায়ু পৰিৱৰ্তন মন্ত্ৰ্যালয়ৰ নিৰ্দেশ অনুসৰি ভাৰতীয় বিমান প্ৰাধিকৰণে ২০১৯ বৰ্ষৰ ভাৰতৰ মুঠ ৩৫ টা এবাৰ ব্যৱহাৰ্য্য প্লাষ্টিক মুক্ত বিমান বন্দৰৰ তালিকা প্ৰকাশ কৰে।
উত্তৰ-পূবৰ এই তিনিটা বিমান বন্দৰৰ উপৰিও এই তালিকাত স্থান লাভ কৰা দেশৰ আন আন বিমান বন্দৰ সমূহ হ’ল ক্ৰমে- আহমেদাবাদ, অমৃতসৰ, বাগদোগৰা, ভূপাল, ভূৱনেশ্বৰ, কালিকত, চণ্ডীগড়, চেন্নাই, কোইমবাতোৰ, ডেৰাডুন, গোৱা, ইণ্ডোৰ, জয়পুৰ, জম্মু, কলিকতা, লক্ষ্ণৌ, মাদুৰাই, মাংগালোৰ, পাটনা, পোৰ্ট ব্লেয়াৰ, পুনে, ৰায়পুৰ, ৰাঞ্চি, শ্ৰীনগৰ, তিৰুচিৰাপল্লী, তিৰুপতি, ত্ৰিবান্দ্ৰম, উদয়পুৰ, বৰোদা, বাৰাণসী, বিজয়ৱাদা আৰু বিশাখাপট্টনম।
উল্লেখযোগ্য যে, ভাৰতীয় বিমান প্ৰধিকৰণে বিমান বন্দৰ সমূহক প্লাষ্টিক মু্ক্ত কৰাৰ বাবে বিভিন্ন কাৰ্য্যপন্থা গ্ৰহণ কৰিছিল।
বৰ্তমানলৈ ভাৰতৰ মুঠ ৮৫ টা বিমানবন্দৰক এবাৰ ব্যৱহাৰ্য্য প্লাষ্টিক মুক্ত বিমান বন্দৰৰ হিচাপে চিহ্নিত কৰা হৈছে।
