যোৰহাট জিলাৰ টীয়ক পৌৰসভাৰ অন্তৰ্গত ২নং বাঁহবাৰী পথটোৰ শোচনীয় অৱস্থাই বৰ্তমান চৰকাৰৰ উন্নয়নৰ শ্ল’গানৰ প্ৰকৃত স্বৰূপ উদঙাই দিয়া দেখা গৈছে ।
টীয়ক পৌৰসভাৰ অন্তৰ্গত হোৱাৰ পাছতো পথটো আজি পৰ্যন্ত এনে অৱস্থা দেখি অসম প্ৰেমী যুৱ-ছাত্ৰ সমাজৰ টীয়ক আঞ্চলিক আৰু বাঁহবাৰী শাখা সমিতিয়ে অঞ্চলটোৰ ৰাইজৰ সহযোগত শ্ৰমদান কাৰ্যসূচীৰে আজি পথটোৰ মেৰামতি আৰম্ভ কৰিছে৷
উল্লেখ্য যে, বাৰিষা হ’লেই সামান্য এজাক বৰষুণৰ ফলত পথটো অহা যোৱা কৰাত অসুবিধাৰ সন্মুখীন হ’ব লগা হোৱাৰ হেতুকে স্কুলীয়া ছাত্ৰ-ছাত্ৰী, ৰোগীকে ধৰি ৰাইজে জীয়াতু ভুগিবলগীয়া হয়।
যাৰ পৰা পৰিত্ৰাণ পাবলৈ পথটোত বাৰিষা নাৱেৰে বিপদ সংকুলভাৱে যাতায়ত কৰে
অঞ্চলবাসীয়ে৷
অৱশেষত চৰকাৰলৈ বাট নাচাই সুদীৰ্ঘ পথছোৱা মেৰামতিৰ বাবে স্থানীয় ৰাইজৰ সহযোগত শ্ৰমদান কাৰ্যসূচী গ্ৰহণ কৰিছে অসম প্ৰেমী যুৱ-ছাত্ৰ সমাজ নামৰ সংগঠনটোৱে।
উল্লেখযোগ্য যে টীয়ক নদীৰ বাঢ়নী পানীয়ে টুকুৰা টুকুৰকৈ বিচ্ছিন্ন কৰা পথটো যোৱা বছৰো অসম প্ৰেমী যুৱ-ছাত্ৰ সমাজে শ্ৰমদানৰ যোগেদি মেৰামতি কৰিছিল৷
