ৰাম জন্মভূমি অযোধ্যাত ৰাম মন্দিৰ নিৰ্মাণৰ কাম আৰম্ভ কৰা হৈছে।
যোৱা দেওবাৰৰ পৰা ৰাম মন্দিৰ নিৰ্মাণ কৰিবলগীয়া চৌহদত চাফাই কাম আৰম্ভ কৰাৰ লগতে ভূভাগ সমান কৰা দেখা গৈছে।
হিন্দুসকলৰ পৱিত্ৰ ভূমি বুলি বিবেচিত অযোধ্যাত ৰাম মন্দিৰ নিৰ্মাণক লৈ চলি থকা বিবাদক ইতিমধ্যে উচ্চতম ন্যায়ালয়ে মীমাংসা কৰি দিছে।
উল্লেখ্য যে উক্ত স্থানত থকা বাবৰি মদজিদটো ১৯৯২ চনত আৰ এছ এছৰ নেতৃত্বত ধ্বংস কৰাৰ পিছতে উক্ত এলেকাটো বিবাদমান বুলি উচ্চতম ন্যায়ালয়ে ঘোষণা কৰিছিল।
মন্দিৰ নিৰ্মাণ কাম আৰম্ভ কৰাৰ বাবে ৰাম লালা মূৰ্তিটো অন্য ঠাইলৈ নিয়া হ’ব। উক্ত মূৰ্তিটো ১৫০ ফুট উচ্চ। ফাইবাৰ বুলেট প্ৰুফেৰে মূৰ্তিটো সুৰক্ষিত কৰি মানস ভৱনত ৰখা হ’ব বুলি জানিব পৰা গৈছে।
বৰ্তমান উক্ত স্থানত ১২ টা পুৰণি মন্দিৰ আছে, তাৰ ভিতৰত ৰাম জন্মস্থান আৰু সীতা ৰসৈয়ো আছে। অৱেশ্যে নিৰ্মাণকালীন অৱস্থাত এইসমূহ ক’লৈ নিয়া হ’ব এতিয়াও সেই সিদ্ধান্ত লোৱা হোৱা নাই।
ৰাম মন্দিৰ নিৰ্মাণ সমিতিৰ অধ্যক্ষ নৃপেন্দ্ৰ মিশ্ৰই সমিতিৰ অন্যান্য সদস্যসকলৰ সৈতে যোৱা শনিবাৰে সমগ্ৰ এলেকাটো পৰিদৰ্শন কৰে।
সূত্ৰৰ মতে আৰ্কিটেক লাৰ্চেন আৰু ট’ব্ৰ’ই মন্দিৰৰ নিৰ্মাণ আৰ্হি বিনামূল্যে সম্পূৰ্ণ কৰি দিছে।
আনুষ্ঠানিক তথা মূল মন্দিৰ নিৰ্মাণৰ কাম কেতিয়াৰ পৰা আৰম্ভ হ’ব সেয়া অতি শীঘ্ৰেই ঘোষণা কৰা হ’ব বুলি জানিবলৈ দিছে নিৰ্মাণ কমিটিৰ বিষয়ববীয়াই।
