ভাৰতীয় সভ্যতাত পিতৃ-কন্যাৰ সম্পৰ্ক কিমান ‘পবিত্ৰ’ সেয়া নকলেও হ’ব। অনন্তকালৰ পিতৃ-কন্যাৰ পবিত্ৰ সম্পৰ্কলৈ এতিয়া নামি আহিছে এক ডাঙৰ প্ৰশ্নবোধক।
পিতৃ-কন্যাৰ পবিত্ৰ সম্পৰ্কক ভৰিৰে মোহাৰি স্বামী-স্ত্ৰীলৈ পৰিবৰ্তিত হ’ল এহাল পিতৃ-কন্যা। জানিব পৰা মতে, পিতৃৰ বয়স ৫০ আৰু তেওঁৰ কন্যাৰ বয়স ২৪ বছৰ। দুয়োৰে মাজত সাংঘাটিক বন্ধুত্ব আৰু সাংঘাটিক মিল। যাৰ বাবেই নিজ কন্যাক স্ত্ৰীৰূপে গ্ৰহণ কৰিবলৈ সাজু হ’ল পিতৃ। ইফালে নিজৰ প্ৰিয় পুৰুষগৰাকী অৰ্থাৎ নিজৰ পিতৃক স্বামী হিচাপে পাই সুখী কন্যা।
ইতিমধ্যে কন্যা গৰাকীয়ে সামাজিক মাধ্যমত মুকলি কৰিছে বিয়াৰ ভিডিঅ’। নিজৰ পছন্দৰ মানুহজনক বিয়া কৰাই তেওঁ অতি সুখী।
সামাজিক মাধ্যমত প্ৰকাশ পোৱা বিয়াখনৰ ভিডিঅ’টোত দেখা গৈছে যে এগৰাকী নৱবিবাহিত যুৱতীয়ে ডিঙিত মংগলসূত্ৰ, কপালত সেন্দুৰ পিন্ধি এজন পুৰুষৰ কাষত থিয় হৈ আছে। আৰু গৌৰৱেৰে ঘোষণা কৰিছে, ‘এইজন মোৰ দেউতা। কিন্তু মই অতি আনন্দৰে সকলোকে ক’ব বিচাৰো যে আমি বিয়া হৈছো।’
যুৱতীগৰাকীৰ কাষত ৰৈ থকা বৃদ্ধগৰাকীয়ে কয় – ‘‘হয়, তাই মোৰ নিজৰ ছোৱালী৷ নিজৰ জীয়ৰীৰ লগত বিয়া হ’লে সমস্যা ক’ত? আধুনিক যুগত সকলোৱে এই পিতৃ-কন্যাৰ বিবাহক মানি লোৱা উচিত।”
কন্যাগৰাকীয়ে লগতে কয় “মই বহুদিনৰ পৰা দেউতাকক ভাল পাই আহিছো। মই তেওঁক সৰুৰে পৰা ভাল পাইছিলোঁ। শেহতীয়াকৈ আমি দুয়োজনে সিদ্ধান্ত লৈছিলো যে আমি স্বামী-স্ত্ৰী হম।”
এই ভিডিঅ’ প্ৰকাশ পোৱাৰ পিছতেই বিতৰ্কৰ ধুমুহা সৃষ্টি হৈছে। সমাজবাদী পাৰ্টিৰ নেতা জয় সিং যাদৱে তেওঁৰ এক্স হেণ্ডেলত এই বিয়াৰ ভিডিঅ’টো শ্বেয়াৰ কৰিছে।
বহুতেই দাবী কৰিছে যে “পবিত্ৰ সম্পৰ্কক অপমান কৰাৰ বাবে মহিলাগৰাকীক তৎক্ষণাত গ্ৰেপ্তাৰ কৰা উচিত।”
কিন্তু একাংশই এই ভিডিঅ’টো ভুৱা বুলি দাবী কৰিছে। সামাজিক মাধ্যমত সস্তীয়া প্ৰচাৰ পাবলৈ যুৱতীগৰাকীয়ে পিতৃক স্বামী বুলি চিনাকি কৰাই দিছে বুলিও দাবী কৰিছে বহুতে।
যি কি নহওক, কিন্তু এই কাম কৰি তেওঁলোকে কেৱল নিজকে তুচ্ছজ্ঞান কৰাই নহয়, পিতৃ-কন্যাৰ সম্পৰ্ককো কলুষিত কৰিছে বুলি চৰ্চা চলিছে।
